Sektor masʼullarining sayyor qabullari davom etmoqda

Bugun yurtimizdagi barcha hududlar singari Amudaryo tumanida ham “Inson manfaatlari har narsadan ulugʻ” degan ezgu gʻoyani hayotga tatbiq etish borasida tizimli ishlar olib borilmoqda. Shu maqsadda joylarda sektorlar rahbarlari va masʼullari, tegishli muassasa va tashkilot rahbarlari tomonidan joylarda sayyor qabullar, aholi bilan uchrashuvlar oʻtkazilmoqda.

24-fevral kuni tumanning Uyshin hamda Olmazor mahalla fuqarolar yigʻinlarida navbatdagi sayyor qabul oʻtkazildi. Dastlab, Uyshin madaniyat markazida tuman Xalq qabulxonasi mudiri Erkin Rajapov, 1-sektor kotibi Otabek Olloyorov, hamda tegishli tashkilot vakillari 30 nafarga yaqin fuqarolarni qabul qildi.

Sayyor qabul davomida fuqarolar tomonidan 10 dan ortiq murojaatlar kelib tushdi. Fuqarolar asosan tomorqalarni oqar suv bilan taʼminlash, mahalla hududidagi ayrim koʻchalardan yoʻl chiqarish, shuningdek, mahalla hududida joylashgan 47- hamda 75-sonli umumtaʼlim maktablarga qoʻshimcha obʼektlar qurish masalasida murojaat qilishdi.

Murojaatlar sayyor qabul davomida qayd etib borildi hamda shu yerning oʻzida ijrosi yuzasidan tegishli tashkilot vakillariga topshiriqlar berildi.

Shundan soʻng, Davlat kadastrlar palatasi Amudaryo tumani filiali xodimi Sherzod Sultonov tomonidan fuqarolarga onlayn auktsionda qatnashib, yer olish tartibi haqida tushunchalar berildi.

Maʼlumotlarda keltirilishicha, onlayn auktsionda ishtirok etish istagida boʻlgan shaxs yuridik yoki jismoniy shaxs sifatida savdo maydonchasi orqali roʻyxatdan oʻtishi talab etiladi. Roʻyxatdan oʻtgandan soʻng, ushbu fuqaroga savdo kabineti yaratiladi hamda auktsionga qoʻyigan koʻchmas mulk obʼektlari haqida fuqarolarga 30 kun oldin xabar beriladi. Mahalla fuqarolari soha masʼul xodimi tomonidan berilgan maʼlumotlar asosida onlayn auktsionda qatnashish va dehqon xoʻjaligiga soʻljallangan yer uchastkalarini ijaraga olish tartibi haqida batafsil maʼlumotga ega boʻldilar.

Kunning ikkinchi yarmida 1-sektor kotibi hamda tuman Xalq qabulxonasi mudiri va tegishli tashkilot masʼullari ishtirokida Olmazor mahalla fuqarolar yigʻini binosida sayyor qabul oʻtkazildi. Qabulda mahalla hududida istiqomat qiluvchi 20 ga yaqin fuqarolar qatnashib, mavjud muammolar yuzasidan murojaat qilishdi. Murojaatlar mazmuni mahalla hududidagi ayrim ichki yoʻllarga tosh yotqizish, beton simyogʻochlar oʻrnatish, elektr tokini barcha xonadonlarga teng yetkazib beruvchi yangi transformator oʻrnatish kabi masalalarda boʻldi.

Bundan tashqari, ota-onalar tomonidan maktabgacha taʼlim tashkilotiga farzandini qabul qilish jarayoni kechikayotganligi, navbat yetib kelishi uzoq muddatga choʻzilayotganligi boʻyicha ham murojaatlar kelib tushdi.

Barcha masalalar qabul davomida qayd etilib, umumlashtirib borildi. Qabul yakunida tuman Xalq qabulxonasi mudiri Erkin Rajapov tomonidan barcha murojaatlar boʻyicha tegishli choralar koʻrilishi maʼlum qilinib, murojaatlar ijrosi yuzasidan shu yerning oʻzida tegishli tashkilot masʼullariga topshiriqlar berilidi.

Inson qadrini ulugʻlash va faol mahalla yilida faollik koʻrsatish faqat mahalla hududini, infratuzulmasini obod qilish emas, balki shu mahallada yashovchi aholinining oʻtayotgan har bir kunidan rozi boʻlishi va jamiyatda munosib oʻrin egallashi uchun munosib sharoitlar yaratishdan iboratdir. Tumanimiz boʻylab oʻtkazilayotgan sayyor qabullar ushbu masalalar ijrosini taʼminlashda muhim vosita boʻlib xizmat qilmoqda.

Tuman xokimliginig axborot xizmati.