Сектор масъулларининг сайёр қабуллари давом этмоқда
Бугун юртимиздаги барча ҳудудлар сингари Амударё туманида ҳам “Инсон манфаатлари ҳар нарсадан улуғ” деган эзгу ғояни ҳаётга татбиқ этиш борасида тизимли ишлар олиб борилмоқда. Шу мақсадда жойларда секторлар раҳбарлари ва масъуллари, тегишли муассаса ва ташкилот раҳбарлари томонидан жойларда сайёр қабуллар, аҳоли билан учрашувлар ўтказилмоқда.
24 февраль куни туманнинг Уйшин ҳамда Олмазор маҳалла фуқаролар йиғинларида навбатдаги сайёр қабул ўтказилди. Дастлаб, Уйшин маданият марказида туман Халқ қабулхонаси мудири Эркин Ражапов, 1-сектор котиби Отабек Оллоёров, ҳамда тегишли ташкилот вакиллари 30 нафарга яқин фуқароларни қабул қилди.
Сайёр қабул давомида фуқаролар томонидан 10 дан ортиқ мурожаатлар келиб тушди. Фуқаролар асосан томорқаларни оқар сув билан таъминлаш, маҳалла ҳудудидаги айрим кўчалардан йўл чиқариш, шунингдек, маҳалла ҳудудида жойлашган 47- ҳамда 75-сонли умумтаълим мактабларга қўшимча объектлар қуриш масаласида мурожаат қилишди.
Мурожаатлар сайёр қабул давомида қайд этиб борилди ҳамда шу ернинг ўзида ижроси юзасидан тегишли ташкилот вакилларига топшириқлар берилди.
Шундан сўнг, Давлат кадастрлар палатаси Амударё тумани филиали ходими Шерзод Султонов томонидан фуқароларга онлайн аукционда қатнашиб, ер олиш тартиби ҳақида тушунчалар берилди.
Маълумотларда келтирилишича, онлайн аукционда иштирок этиш истагида бўлган шахс юридик ёки жисмоний шахс сифатида савдо майдончаси орқали рўйхатдан ўтиши талаб этилади. Рўйхатдан ўтгандан сўнг, ушбу фуқарога савдо кабинети яратилади ҳамда аукционга қўйиган кўчмас мулк объектлари ҳақида фуқароларга 30 кун олдин хабар берилади. Маҳалла фуқаролари соҳа масъул ходими томонидан берилган маълумотлар асосида онлайн аукционда қатнашиш ва деҳқон хўжалигига сўлжалланган ер участкаларини ижарага олиш тартиби ҳақида батафсил маълумотга эга бўлдилар.
Куннинг иккинчи ярмида 1-сектор котиби ҳамда туман Халқ қабулхонаси мудири ва тегишли ташкилот масъуллари иштирокида Олмазор маҳалла фуқаролар йиғини биносида сайёр қабул ўтказилди. Қабулда маҳалла ҳудудида истиқомат қилувчи 20 га яқин фуқаролар қатнашиб, мавжуд муаммолар юзасидан мурожаат қилишди. Мурожаатлар мазмуни маҳалла ҳудудидаги айрим ички йўлларга тош ётқизиш, бетон симёғочлар ўрнатиш, электр токини барча хонадонларга тенг етказиб берувчи янги трансформатор ўрнатиш каби масалаларда бўлди.
Бундан ташқари, ота-оналар томонидан мактабгача таълим ташкилотига фарзандини қабул қилиш жараёни кечикаётганлиги, навбат етиб келиши узоқ муддатга чўзилаётганлиги бўйича ҳам мурожаатлар келиб тушди.
Барча масалалар қабул давомида қайд этилиб, умумлаштириб борилди. Қабул якунида туман Халқ қабулхонаси мудири Эркин Ражапов томонидан барча мурожаатлар бўйича тегишли чоралар кўрилиши маълум қилиниб, мурожаатлар ижроси юзасидан шу ернинг ўзида тегишли ташкилот масъулларига топшириқлар берилиди.
Инсон қадрини улуғлаш ва фаол маҳалла йилида фаоллик кўрсатиш фақат маҳалла ҳудудини, инфратузулмасини обод қилиш эмас, балки шу маҳаллада яшовчи аҳолинининг ўтаётган ҳар бир кунидан рози бўлиши ва жамиятда муносиб ўрин эгаллаши учун муносиб шароитлар яратишдан иборатдир. Туманимиз бўйлаб ўтказилаётган сайёр қабуллар ушбу масалалар ижросини таъминлашда муҳим восита бўлиб хизмат қилмоқда.
Туман хокимлигиниг ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
