“Mahalla“ yangiliklari
Eng namunali "Ota-onalar universiteti”
Joriy yilning 26-avgust kuni tumandagi 9-sonli bolalar musiqa va sanʼat maktabi binosida "Fuqarolar yigʻinlari huzuridagi eng namunali "Ota-onalar universiteti” koʻrik tanlovi boʻlib oʻtdi. Tanlovga 47 ta fuqarolar yigʻinlari huzurida tashkil etilgan "Ota-onalar universiteti” aʼzolari faol ishtirok etdilar.
"Mahalla” xayriya jamoat fondi, Xotin-qizlar qoʻmitasi, Xalq taʼlimi muassasalari faoliyatini metodik taʼminlash va tashkil etish boʻlimi, Oʻrta maxsus kasb-hunar taʼlimi muassasalari, Tibbiyot birlashmasi, Madaniyat va sport ishlari boʻlimi, Maʼnaviyat - targʻibot markazi, "Sogʻlom avlod uchun” jamgʻarmasi mutaxassislari hamda keng jamoatchilik vakillaridan iborat tashkiliy ishchi guruh tarkibi shakllantirildi va ikki bosqichda Universitet tomonidan fuqarolar yigʻinida oilalarni mustahkamlash va barqarorligini taʼminlash, farzand tarbiyasi ilmini egallashda ota-onalarga yordam koʻrsatish, oilada psixologik muhitni taʼminlash, oilalarda oila aʼzolarining oʻz sogʻligi toʻgʻrisida qaygʻurish tuygʻusini shakllantirish hamda ota-onalarning yosh avlodni tarbiyalash boʻyicha huquqiy, maʼnaviy-axloqiy va fiziologik bilimlarini oshirish borasida amalga oshirilgan ishlari, erishilgan ijobiy natijalar hakamlar hayʼati tomonidan baholandi. Natijalarga koʻra "Ayoqchi” mahalla fuqarolar yigʻini huzurida tashkil etilgan universitet "Eng namunali ota-onalar universiteti” deb topildi va faxrli 1-oʻrinni, "Bosuv” mahalla fuqarolar yigʻini huzuridagi universitet 2-oʻrinni, "Toryop” mahalla fuqarolar yigʻinlari huzurida tashkil etilgan universitet 3-oʻrinni egalladi hamda "Mahalla” xayriya jamoat fondining "Faxriy yorligʻi” va esdalik sovgʻalari bilan taqdirlandi.
Eng namunali yarashtirish komissiyasi
Joriy yilning 26-avgust kuni «Fuqarolar yigʻinlarining eng namunali yarashtirish komissiyasi» tanlovi boʻlib oʻtdi. "Mahalla” xayriya jamoat fondi tomonidan Ichki ishlar boʻlimi, Xotin-qizlar qoʻmitasi, "Nuroniy” jamgʻarmasi, "Kamolot” YoIH, "Yusuf Eshon bobo” jomeʼ masjidi imom xatibi hamda boshqa mutasaddi tashkilotlar vakillaridan tuzilgan tuman tashkiliy ishchi guruhi tomonidan belgilangan 10 ta yoʻnalishlar asosidagi hujjatlar oʻrganib chiqildi va har bir yoʻnalish 5 ballik, jami 50 ballik tizimda baholandi. Tanlovda "Tosh qalʼa” mahalla fuqarolar yigʻinining Yarashtirish komissiyasi 1-oʻrinni, "Beshtom” mahalla fuqarolar yigʻinining Yarashtirish komissiyasi 2-oʻrinni, "Xitoy” ovul fuqarolar yigʻini Yarashtirish komissiyasi 3-oʻrinni egalladilar hamda maxsus diplom va sovgʻalar bilan taqdirlandilar.
Gavhar ChIMBAYChIYeVA,
"Mahalla” xayriya jamoat fondi tuman boʻlinmasi bosh mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
