NAVBATDAGI SIYoSIY-MAʼRIFAT SOATI BOʻLIB OʻTDI
Oʻzbekiston Respublikasi Prezidenti huzuridagi Davlat xizmatini rivojlantirish agentligi hamda Davlat boshqaruvi akademiyasi hamkorligida har haftaning juma kuni Respublikamizdagi barcha Vazirlik va idoralar, Qoraqalpogʻiston Respublikasi Joʻqorgʻi Kengesi, viloyatlar va Toshkent shahri, shuningdek, barcha tuman, shahar hokimliklari rahbar va masʼul xodimlariga onlayn tarzda ciyosiy-maʼrifat soati oʻtkazib kelinmoqda.
Amudaryo tumani hokimligining majlislar zalida 11-fevral kuni hokim oʻrinbosarlari, hokimlik masʼul xodimlari, tumanimizda faoliyat yuritayotgan korxona, tashkilot rahbarlari hamda ommaviy axborot vositalari vakillari ham navbatdagi siyosiy-maʼrifat soatida ishtirok etishdi.
Kun tartibida buyuk shoh va shoir Zahiriddin Muhammad Boburning davlat va jamiyat boshqaruvi sohasidagi islohotlari, shuningdek, bugungi kunda yurtimizda amalga oshirilayotgan islohotlar, jumladan, mahallalarda ish oʻrinlari yaratish va oilalar daromadini koʻpaytirishning yangi tizimi haqida soʻz yuritilib hafta davomida qabul qilingan normativ-huquqiy hujjatlarning mazmun-mohiyati haqida maʼlumotlar berildi.
Siyosiy-maʼrifat soatida dastlab yurtimizda va xorijda roʻy berayotgan voqealar bilan tanishtirib oʻtildi.
Shundan soʻng Davlat boshqaruv akademiyasi professori Mansur Bekmuradovning Zahiriddin Muhammad Boburning davlat va jamiyat boshqaruvi sohasidagi islohotlariga bagʻishlangan maʼruzasi tinglandi.
Maʼruzada Zahiriddan Muhammad Bobur dunyo tarixida oʻziga xos iz qoldirgan va buyuk imperiyalar tuza olgan 7 ta ulugʻ hukumdorlar qatoriga kirishi, Bobur imperiyasi 350-yildan ortiq vaqt davom etganligi bilan insoniyat tarixida eng uzoq hukum surgan davlat sifatida ajralib turishi qayd etildi.
Shuningdek, Boburning hind xalqini birlashtirish yoʻlidagi harakatlari, qarashlari va etiqodlari turlicha boʻlgan fuqarolar oʻrtasida tinchlikni saqlash va mustahkamlash, soliq boʻyicha oʻtkazgan islohatlari, harbiy yurishlari, bugungi kun rahbarlariga oʻrnak boʻla oluvchi fazilatlari haqida maʼlumot berildi.
Shundan soʻng mahallalarda ish oʻrinlarini yaratish va oilalar daromadini koʻpaytirishning yangi tizimi boʻyicha, iqtisodiy taraqqiyot va kambagʻallikni qisqartirish vazirligi huzuridagi mahallabay ishlash va tadbirkorlikni rivojlantirish agentligi interaktiv xizmatlarini rivojlantirish shoʻbasi mudiri Sherzod Atajanovning taqdimoti namoyish etildi.
Taqdimotda 2022-yil mobaynida oilaviy tadbirkorlikni rivojlantirish, aholining ish bilan taʼminlanishi, hunarmandchilikni rivojlantirish dasturlari hamda hokim yordamchilarining mahallabay va xonadonbay ishlashda eʼtibor qaratishi lozim boʻlgan jihatlar yoritib berildi.
Shuningdek, siyosiy-maʼrifat soatida Adliya vazirligi bosh mutaxassisi Dilmurod Rajapov tomonidan hafta davomida qabul qilingan normativ huquqiy hujjatlarning mazmun mohiyati haqida keng tarzda maʼlumotlar berildi.
Har hafta oʻtkaziladigan siyosiy-maʼrifat soatlarida tumanimizdagi rahbar xodimlar, tegishli tashkilot vakillari ham qatnashib haftaning eng dolzarb yangiliklari, yangi qabul qilingan qonunlar va normativ-huquqiy hujjatlar mazmun-mohiyati bilan muntazam ravishda tanishib boradilar.
Tuman hokimligining axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
