HOKIM VA YoShLAR UChRAShUVI BOʻLIB OʻTDI
Prezidentimiz Shavkat Mirziyoyevning mamlakatimiz taraqqiyoti va forovonligi eng avvalo yoshlarga bogʻliq degan soʻzlari bugun barcha yoshlarning diqqat markazida. Zero, bugungi yoshlarning shijoati, gʻayrati boshqacha. Ular yurt taqdiriga daxldorlik tuygʻusi bilan yashab, ilm va kasb-hunar sirlarini oʻrganishga astoydil harakat qilmoqdalar. Shu maʼnoda yoshlarning muammo va takliflarini tinglash, ijobiy yechim topish maqsadida tumanimiz boʻylab “Hokim va yoshlar uchrashuvlari” tashkil qilinmoqda.
2-fevral kuni tumanimizdgi Qipchoq ovul fuqarolar yigʻini binosining majlislar zalida faol yoshlar bilan “Hokim va yoshlar uchrashuvi” boʻlib oʻtdi.
Uchrashuvda tuman hokimi Sultonboy Yoʻldashev, hokim oʻrinbosari Mahmud Shermetov, Oʻzbekiston Respublikasi Prezidentining Amudaryo tumanidagi Xalq Qabulxonasi mudiri Erkin Rajapov hamda tegishli muassasa-tashkilot masʼullari qatnashishdi.
Uchrashuv rasmiyatchilikdan holi ochiq va samimiy ruhda boʻlib oʻtdi.
Tuman hokimi dastlab mahallalarda endigina ish boshlagan yoshlar yetakchilarining vazifalari haqida soʻz yuritib, bundan buyogʻiga yoshlarning muammo va takliflarini tashkilot rahbarlariga yetkazishda yoshlarning vakili boʻlishi, shuningdek, yetakchilar doimiy ravishda hokim yordamchilari bilan hamkorlik qilishini qayd etib oʻtdi.
Tuman hokimi yoshlarga murojaat qilar ekan, davlatimiz rahbarining tashabbusi bilan keyingi yillarda yoshlar bilan ishlash boʻyicha mutlaqo yangi tizim yaratilganligi, yoshlar faoliyatiga doir muhim qaror va farmonlar, qonunlar qabul qilinayotgani va unda yoshlarning ham takliflari oʻrin olayotganligi, yoshlarga qaratilayotgan yuksak eʼtiborning namunasi ekanligini aytib oʻtdi.
Uchrashuvda tuman Xalq qabulxonasi mudiri Erkin Rajapov tomonidan Vatan kelajagi faqat yoshlar qoʻlida ekanligi, ularni har tomonlama qoʻllab-quvvatlash muammolarini hal qilish uchun tumanimizdagi barcha mutasaddi tashkilot rahbarlari masʼul ekanligi aytib oʻtildi. Shuningdek, yoshlar uchun tuman Xalq qabulxonasi eshiklari doimo ochiqligi taʼkidlandi.
Shundan soʻng yoshlar tuman xokimiga oʻz muammo va takliflari bilan murojaat qildi. Uchrashuvda yoshlar tomonidan turli mazmundagi murojaatlar kelib tushdi. Joyida hal qilish imkoni boʻlgan murojaatlar, taklif va tashabbuslar yuzasidan yoshlarning talablari qanoatlantirildi. Atroflicha oʻrganishni taqozo etadigan dolzarb masalalarni hal etish yuzasidan Yoshlar ishlari agentligi tuman boʻlimi hamda aloqador muassasa, tashkilot, idoralarga muddatlar belgilanib, topshiriqlar berildi. Murojaat va savollar barobarida uchrashuvda ishtirok etgan yoshlar tuman hokimiga oʻz takliflarini ham berishdi.
Bugun Oʻzbekistonda yuksak maʼnaviyatli avlod tarbiyalanmoqda. Bugungi yoshlarning ong-u shuuri, dunyoqarashi ham oʻzgargan. Yoshlarimiz orasida yangicha oʻylaydigan, innovatsion gʻoyalarini amalga tatbiq eta oladigan kuchlar borligi bizni quvontiradi.
Tuman hokimi yoshlarga murojaat qilib, bugun amalga oshirilayotgan ulkan bunyodkorlik ishlarining barchasi yoshlar uchunligini, yoshlar oʻz ustida doimiy ishlab, hamisha yuqori marralarni zabt etishga intilishlari lozimligini taʼkidladi.
Hokim bilan uchrashuv barcha yoshlar dilida oʻzgacha taassurot qoldirdi.
Tuman hokimligining axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
