ҲОКИМ ВА ЁШЛАР УЧРАШУВИ БЎЛИБ ЎТДИ
Президентимиз Шавкат Мирзиёевнинг мамлакатимиз тараққиёти ва форовонлиги энг аввало ёшларга боғлиқ деган сўзлари бугун барча ёшларнинг диққат марказида. Зеро, бугунги ёшларнинг шижоати, ғайрати бошқача. Улар юрт тақдирига дахлдорлик туйғуси билан яшаб, илм ва касб-ҳунар сирларини ўрганишга астойдил ҳаракат қилмоқдалар. Шу маънода ёшларнинг муаммо ва таклифларини тинглаш, ижобий ечим топиш мақсадида туманимиз бўйлаб “Ҳоким ва ёшлар учрашувлари” ташкил қилинмоқда.
2 февраль куни туманимиздги Қипчоқ овул фуқаролар йиғини биносининг мажлислар залида фаол ёшлар билан “Ҳоким ва ёшлар учрашуви” бўлиб ўтди.
Учрашувда туман ҳокими Султонбой Йўлдашев, ҳоким ўринбосари Маҳмуд Шерметов, Ўзбекистон Республикаси Президентининг Амударё туманидаги Халқ Қабулхонаси мудири Эркин Ражапов ҳамда тегишли муассаса-ташкилот масъуллари қатнашишди.
Учрашув расмиятчиликдан ҳоли очиқ ва самимий руҳда бўлиб ўтди.
Туман ҳокими дастлаб маҳаллаларда эндигина иш бошлаган ёшлар етакчиларининг вазифалари ҳақида сўз юритиб, бундан буёғига ёшларнинг муаммо ва таклифларини ташкилот раҳбарларига етказишда ёшларнинг вакили бўлиши, шунингдек, етакчилар доимий равишда ҳоким ёрдамчилари билан ҳамкорлик қилишини қайд этиб ўтди.
Туман ҳокими ёшларга мурожаат қилар экан, давлатимиз раҳбарининг ташаббуси билан кейинги йилларда ёшлар билан ишлаш бўйича мутлақо янги тизим яратилганлиги, ёшлар фаолиятига доир муҳим қарор ва фармонлар, қонунлар қабул қилинаётгани ва унда ёшларнинг ҳам таклифлари ўрин олаётганлиги, ёшларга қаратилаётган юксак эътиборнинг намунаси эканлигини айтиб ўтди.
Учрашувда туман Халқ қабулхонаси мудири Эркин Ражапов томонидан Ватан келажаги фақат ёшлар қўлида эканлиги, уларни ҳар томонлама қўллаб-қувватлаш муаммоларини ҳал қилиш учун туманимиздаги барча мутасадди ташкилот раҳбарлари масъул эканлиги айтиб ўтилди. Шунингдек, ёшлар учун туман Халқ қабулхонаси эшиклари доимо очиқлиги таъкидланди.
Шундан сўнг ёшлар туман хокимига ўз муаммо ва таклифлари билан мурожаат қилди. Учрашувда ёшлар томонидан турли мазмундаги мурожаатлар келиб тушди. Жойида ҳал қилиш имкони бўлган мурожаатлар, таклиф ва ташаббуслар юзасидан ёшларнинг талаблари қаноатлантирилди. Атрофлича ўрганишни тақозо этадиган долзарб масалаларни ҳал этиш юзасидан Ёшлар ишлари агентлиги туман бўлими ҳамда алоқадор муассаса, ташкилот, идораларга муддатлар белгиланиб, топшириқлар берилди. Мурожаат ва саволлар баробарида учрашувда иштирок этган ёшлар туман ҳокимига ўз таклифларини ҳам беришди.
Бугун Ўзбекистонда юксак маънавиятли авлод тарбияланмоқда. Бугунги ёшларнинг онг-у шуури, дунёқараши ҳам ўзгарган. Ёшларимиз орасида янгича ўйлайдиган, инновацион ғояларини амалга татбиқ эта оладиган кучлар борлиги бизни қувонтиради.
Туман ҳокими ёшларга мурожаат қилиб, бугун амалга оширилаётган улкан бунёдкорлик ишларининг барчаси ёшлар учунлигини, ёшлар ўз устида доимий ишлаб, ҳамиша юқори марраларни забт этишга интилишлари лозимлигини таъкидлади.
Ҳоким билан учрашув барча ёшлар дилида ўзгача таассурот қолдирди.
Туман ҳокимлигининг ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
