Joriy yilda tuman boʻyicha 3588 nafar ishsiz fuqaroga oʻrtacha 25 sotixdan yer ajratish rejalashtirilgan
21-yanvar kuni Amudaryo tumaniga Oʻzbekiston Respublikasi Prezidenti Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Shuhrat Madaminovich Gʻaniyev tashrif buyurdi.
Tashrifdan koʻzlangan maqsad, davlatimiz rahbari tomonidan qabul qilgan “Meva-sabzavotchilik va uzumchilikda oilaviy tadbirkorlikni rivojlantirish, qishloq hoʻjaligi ishlab chiqarishida dehqon xoʻjaliklarining ulushini oshirish chora-tadbirlari toʻgʻrisida”gi qarorni keng targʻib qilish va ushbu qaror ijrosini taʼminlash maqsadida tumanimiz boʻylab amalga oshirilayotan ishlar koʻlamini kengaytirish yuzasidan oʻrganish ishlarini olib borish hamda fermer va dehqon xoʻjaliklari faoliyati bilan yaqindan tanishishdir.
Dastlab, Shuhrat Gʻaniyev boshchiligidagi ishchi guruh aʼzolari tumanimizdagi bir guruh masʼul xodimlar bilan birgalikda Choykoʻl ovuli hududida joylashgan “Mangʻit omad savdo” masʼuliyati cheklangan jamiyatining faoliyati bilan yaqindan tanishishdi. Barpo etilgan uzumzorlarni koʻzdan kechirib xosildorlikni oshirish boʻyicha zarur koʻrsatma va tavsiyalar berib oʻtdi. Shuningdek, yangidan qurilayotgan dehqon xoʻjaligi maxsulotlarini sifatli tarzda saqlashga xizmat qiluvchi muzlatgich haqida maʼlumot berildi.
Shundan soʻng tuman xokimligining katta majlislar zalida Shuhrat Gʻaniyev rahbarligida koʻrgazmali seminar tashkil etildi. Seminarda tuman hokimi Sultonboy Yoʻldashev, tuman hokimi oʻrinbosarlari sektor rahbarlari, mahalla raislari, fermer va dexqon xoʻjaligi xodimlari hamda ommaviy axborot vositalari vakillari ishtirok etishdi.
Seminarda 2022-yilda fuqarolarga fermer xoʻjaliklarining past hosilli paxta va gʻalla ekinlari maydonlarining qisqartirilgan yerlari hisobidan 10 sotixdan 1 gektargacha yer maydonlari ochiq elektron tanlov asosida berishni yoʻlga qoʻyish va mazkur ishlar 2022-yildan 2025-yilgacha amalga oshirilib, ushbu muddat davomida umumiy hisobda 2242 gektar maydonlar ishsiz fuqarolarga ajratib berilishi rejalashtirilganligi aytib oʻtildi.
Maʼlumot uchun, Amudaryo tumanining 18 ta hududida 307 ta fermer xoʻjaliklari tashkil etilgan. Umumiy ekin maydonlar 897 gektarni tashkil qiladi. Joriy yilda tumanimiz boʻylab 3588 nafar ishsiz fuqaroga oʻrtacha 25 sotixdan yer ajratilishi reja qilingan. Hozirgi kunda ushbu reja asosida loyihalar ishlab chiqilib amaliy ishlar yoʻlga qoʻyilgan.
Oʻtgan yillar mobaynida davlatimiz rahbari tomonidan dehqon va fermer xoʻjaliklarini rivojlantirishga xizmat qiluvchi koʻplab qonunlar qabul qilindi. Ushbu qonun va farmonlarni hayotga tatbiq etish natijasida yurtdoshlarimiz yuqori daromad manbaiga yega boʻlibgina qolmasdan bozorlarni xavfsiz oziq-ovqat mahsulotlari bilan taʼminlamoqda.
F.Eshimbetova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
