Жорий йилда туман бўйича 3588 нафар ишсиз фуқарога ўртача 25 сотихдан ер ажратиш режалаштирилган
21 январь куни Амударё туманига Ўзбекистон Республикаси Президенти Бош вазирининг аграр ва озиқ-овқат соҳаларини ривожлантириш масалалари бўйича ўринбосари Шуҳрат Мадаминович Ғаниев ташриф буюрди.
Ташрифдан кўзланган мақсад, давлатимиз раҳбари томонидан қабул қилган “Мева-сабзавотчилик ва узумчиликда оилавий тадбиркорликни ривожлантириш, қишлоқ ҳўжалиги ишлаб чиқаришида деҳқон хўжаликларининг улушини ошириш чора-тадбирлари тўғрисида”ги қарорни кенг тарғиб қилиш ва ушбу қарор ижросини таъминлаш мақсадида туманимиз бўйлаб амалга оширилаётан ишлар кўламини кенгайтириш юзасидан ўрганиш ишларини олиб бориш ҳамда фермер ва деҳқон хўжаликлари фаолияти билан яқиндан танишишдир.
Дастлаб, Шуҳрат Ғаниев бошчилигидаги ишчи гуруҳ аъзолари туманимиздаги бир гуруҳ масъул ходимлар билан биргаликда Чойкўл овули ҳудудида жойлашган “Манғит омад савдо” масъулияти чекланган жамиятининг фаолияти билан яқиндан танишишди. Барпо этилган узумзорларни кўздан кечириб хосилдорликни ошириш бўйича зарур кўрсатма ва тавсиялар бериб ўтди. Шунингдек, янгидан қурилаётган деҳқон хўжалиги махсулотларини сифатли тарзда сақлашга хизмат қилувчи музлатгич ҳақида маълумот берилди.
Шундан сўнг туман хокимлигининг катта мажлислар залида Шуҳрат Ғаниев раҳбарлигида кўргазмали семинар ташкил этилди. Семинарда туман ҳокими Султонбой Йўлдашев, туман ҳокими ўринбосарлари сектор раҳбарлари, маҳалла раислари, фермер ва дехқон хўжалиги ходимлари ҳамда оммавий ахборот воситалари вакиллари иштирок этишди.
Семинарда 2022 йилда фуқароларга фермер хўжаликларининг паст ҳосилли пахта ва ғалла экинлари майдонларининг қисқартирилган ерлари ҳисобидан 10 сотихдан 1 гектаргача ер майдонлари очиқ электрон танлов асосида беришни йўлга қўйиш ва мазкур ишлар 2022 йилдан 2025 йилгача амалга оширилиб, ушбу муддат давомида умумий ҳисобда 2242 гектар майдонлар ишсиз фуқароларга ажратиб берилиши режалаштирилганлиги айтиб ўтилди.
Маълумот учун, Амударё туманининг 18 та ҳудудида 307 та фермер хўжаликлари ташкил этилган. Умумий экин майдонлар 897 гектарни ташкил қилади. Жорий йилда туманимиз бўйлаб 3588 нафар ишсиз фуқарога ўртача 25 сотихдан ер ажратилиши режа қилинган. Ҳозирги кунда ушбу режа асосида лойиҳалар ишлаб чиқилиб амалий ишлар йўлга қўйилган.
Ўтган йиллар мобайнида давлатимиз раҳбари томонидан деҳқон ва фермер хўжаликларини ривожлантиришга хизмат қилувчи кўплаб қонунлар қабул қилинди. Ушбу қонун ва фармонларни ҳаётга татбиқ этиш натижасида юртдошларимиз юқори даромад манбаига ега бўлибгина қолмасдан бозорларни хавфсиз озиқ-овқат маҳсулотлари билан таъминламоқда.
Ф.Эшимбетова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
