OʻZBEKISTON FERMER, DEHQON XOʻJALIKLARI VA TOMORQA YeR EGALARI KENGAShI RAISI AKTAM HAITOV TUMANIMIZGA TAShRIF BUYuRDI
20-yanvar kuni Oʻzbekiston Fermer, dehqon xoʻjaliklari va tomorqa yer egalari Kengashi raisi Aktam Haitov tomorqa yer egalarining faoliyati bilan yaqindan tanishish va ularni qiynayotgan muammolarni oʻrganish, hal qilishda amaliy yordam berish maqsadida Amudaryo tumaniga tashrif buyurdi.
Aktam Haitov tumandagi soha masʼullari hamrohligida dastlab, Gulzor mahallasi “Obod turmush” koʻchasida istiqomat qiluvchi Nargiza Avezmuradova xonadoniga tashrif byurib, tomorqadan unumli foydalanayotganligining guvohi boʻldi.
Nargiza Avezmuradova turli xildagi noyob va hushboʻy gullarni yetishtirish orqali tadbirkorlik faoliyatini yoʻlga qoʻygan. Gulchilik orqasidan katta daromad topayotgan yurtdoshimiz yurtboshimizga chuqur minnaddorlik bildirib, hozirgi kunda tadbirkorlik qilish istagidagi fuqarolarga imtiyozli kreditlar ajratilganligi, xuquqiy maslahatlar berilayotganligini va mavjud imkoniyatlardan samarali tarzda foydalanish lozimligini taʼkidladi.
Shuningdek, mehmonlar sifatli va unumdor urugʻlarni yetkazib berayotgan “Amudaryo tomorqa xizmat” masʼuliyati cheklangan jamiyati klasteri korxonasi faoliyati bilan ham yaqindan tanishdilar.
Maʼlumki, Oʻzbekiston Respublikasi Prezidenti tomonidan qabul qilingan “Tomorqa xoʻjaligi toʻgʻrisida”gi qonunga koʻra har bir tumanni kompleks ijtimoiy-iqtisodiy rivojlantirish boʻyicha sektorlari hududida kamida bittadan “Tomorqa xizmati” masʼuliyati cheklangan jamiyatlari tashkil etilib, mazkur jamiyatlarga issiqxona, sovutgichli omborxonalar, chorvachilik majmualari qurish uchun kamida 3 gektardan yer ajratilishi belgilangan edi.
Tumanimizda tomorqa yerlardan unumli foydalanish, tomorqani haqiqiy daromad manbaiga aylantirishga katta hissa qoʻshayotgan “Amudaryo tomorqa xizmat” masʼuliyati cheklangan jamiyati bugungi kunda samarali faoliyat olib bormoqda.
"Amudaryo tomorqa xizmati" masʼuliyati cheklangan jamiyati negizida tomorqa xizmati klasterining tashkil etilishi natijasida umumiy qiymati 4,8 mlrd soʻmlik loyiha doirasida 15-17 ming xonadon qamrab olindi. Maqsad bitta – dehqon xoʻjaliklari va tomorqa yer egalariga ajratilgan maydonlardan samarali foydalanish, qishloq aholisining bandligi va turmush darajasini oshirish.
Tashrif davomida ushbu jamiyat tomonidan 2021-yilda amalga oshirilgan ishlar sarhisob qilindi. Klaster korxonasiga xodimlariga bogʻdorchilikning yangi yoʻnalishlari boʻyicha tavsiya va koʻrsatmalar berildi.
Aytish kerakki, mamlakatimizda qishloq xoʻjaligi sohasida klaster usulining yoʻlga qoʻyilishi ekin turlarining koʻpayishiga, hosildorlik va daromadning oshishiga xizmat qilmoqda.
Shundan soʻng, fermer dehqon xoʻjaligi raislari va tomorqa yer egalari ishtirokida yigʻilish boʻlib oʻtdi. Yigʻilishda mahallalarda ish boshlagan hokim yordamchilariga avvalo, ishni, oʻz tomorqasida dehqonchilikni yoʻlga qoʻyishni istagan oilalarga imtiyozli kredit ajratish, biznes loyihalar ishlab chiqishga amaliy yordam berishdan boshlashi lozimligi taʼkilab oʻtildi.
Tuman masʼullari aholiga har tomonlama koʻmaklashish va ekinlar hosildorligini oshirishga doir fikr-mulohazalarini bildirdi.
Shuningdek, aniqlangan muammo va kamchiliklarni bartaraf etish yuzasidan amaliy choralar koʻrilishi maʼlum qilinib, kam taʼminlangan va qarovchisi yoʻq oilalarga biriktirilgan ilgʻor fermerlarning ish faoliyati tahlil qilindi.
Shundan soʻng, yigʻilish ishtirokchilari oʻzlarini qiziqtirgan savollar bilan murojaat qilib, tegishlicha javoblar oldilar.
F.Eshimbetova
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
