ЎЗБЕКИСТОН ФЕРМЕР, ДЕҲҚОН ХЎЖАЛИКЛАРИ ВА ТОМОРҚА ЕР ЭГАЛАРИ КЕНГАШИ РАИСИ АКТАМ ҲАИТОВ ТУМАНИМИЗГА ТАШРИФ БУЮРДИ
20 январь куни Ўзбекистон Фермер, деҳқон хўжаликлари ва томорқа ер эгалари Кенгаши раиси Aктам Ҳаитов томорқа ер эгаларининг фаолияти билан яқиндан танишиш ва уларни қийнаётган муаммоларни ўрганиш, ҳал қилишда амалий ёрдам бериш мақсадида Амударё туманига ташриф буюрди.
Aктам Ҳаитов тумандаги соҳа масъуллари ҳамроҳлигида дастлаб, Гулзор маҳалласи “Обод турмуш” кўчасида истиқомат қилувчи Наргиза Авезмурадова хонадонига ташриф бюриб, томорқадан унумли фойдаланаётганлигининг гувоҳи бўлди.
Наргиза Авезмурадова турли хилдаги ноёб ва ҳушбўй гулларни етиштириш орқали тадбиркорлик фаолиятини йўлга қўйган. Гулчилик орқасидан катта даромад топаётган юртдошимиз юртбошимизга чуқур миннаддорлик билдириб, ҳозирги кунда тадбиркорлик қилиш истагидаги фуқароларга имтиёзли кредитлар ажратилганлиги, хуқуқий маслаҳатлар берилаётганлигини ва мавжуд имкониятлардан самарали тарзда фойдаланиш лозимлигини таъкидлади.
Шунингдек, меҳмонлар сифатли ва унумдор уруғларни етказиб бераётган “Амударё томорқа хизмат” масъулияти чекланган жамияти кластери корхонаси фаолияти билан ҳам яқиндан танишдилар.
Маълумки, Ўзбекистон Республикаси Президенти томонидан қабул қилинган “Томорқа хўжалиги тўғрисида”ги қонунга кўра ҳар бир туманни комплекс ижтимоий-иқтисодий ривожлантириш бўйича секторлари ҳудудида камида биттадан “Томорқа хизмати” масъулияти чекланган жамиятлари ташкил этилиб, мазкур жамиятларга иссиқхона, совутгичли омборхоналар, чорвачилик мажмуалари қуриш учун камида 3 гектардан ер ажратилиши белгиланган эди.
Туманимизда томорқа ерлардан унумли фойдаланиш, томорқани ҳақиқий даромад манбаига айлантиришга катта ҳисса қўшаётган “Амударё томорқа хизмат” масъулияти чекланган жамияти бугунги кунда самарали фаолият олиб бормоқда.
"Амударё томорқа хизмати" масъулияти чекланган жамияти негизида томорқа хизмати кластерининг ташкил этилиши натижасида умумий қиймати 4,8 млрд сўмлик лойиҳа доирасида 15-17 минг хонадон қамраб олинди. Мақсад битта – деҳқон хўжаликлари ва томорқа ер эгаларига ажратилган майдонлардан самарали фойдаланиш, қишлоқ аҳолисининг бандлиги ва турмуш даражасини ошириш.
Ташриф давомида ушбу жамият томонидан 2021 йилда амалга оширилган ишлар сарҳисоб қилинди. Кластер корхонасига ходимларига боғдорчиликнинг янги йўналишлари бўйича тавсия ва кўрсатмалар берилди.
Айтиш керакки, мамлакатимизда қишлоқ хўжалиги соҳасида кластер усулининг йўлга қўйилиши экин турларининг кўпайишига, ҳосилдорлик ва даромаднинг ошишига хизмат қилмоқда.
Шундан сўнг, фермер деҳқон хўжалиги раислари ва томорқа ер эгалари иштирокида йиғилиш бўлиб ўтди. Йиғилишда маҳаллаларда иш бошлаган ҳоким ёрдамчиларига аввало, ишни, ўз томорқасида деҳқончиликни йўлга қўйишни истаган оилаларга имтиёзли кредит ажратиш, бизнес лойиҳалар ишлаб чиқишга амалий ёрдам беришдан бошлаши лозимлиги таъкилаб ўтилди.
Туман масъуллари аҳолига ҳар томонлама кўмаклашиш ва экинлар ҳосилдорлигини оширишга доир фикр-мулоҳазаларини билдирди.
Шунингдек, аниқланган муаммо ва камчиликларни бартараф этиш юзасидан амалий чоралар кўрилиши маълум қилиниб, кам таъминланган ва қаровчиси йўқ оилаларга бириктирилган илғор фермерларнинг иш фаолияти таҳлил қилинди.
Шундан сўнг, йиғилиш иштирокчилари ўзларини қизиқтирган саволлар билан мурожаат қилиб, тегишлича жавоблар олдилар.
Ф.Эшимбетова
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
