Huquqni muhofaza qiluvchi organlar masʼullari tomonidan ochiq seminar tashkil etildi
Huquqni muhofaza qiluvchi organlar masʼullari tomonidan «Zoʻravonlikka yoʻl yoʻq» mavzusida ochiq seminar tashkil etildi. Seminarda Jinoyat ishlari boʻyicha tuman sudi masʼullari, Nukus shahar Iqtisodiy sudi raisi B.Baymurodov, Qoraqalpogʻiston Respublikasi sudining katta sudyasi yordamchisi D.Davletmuradova, tuman prokurori yordamchisi A.Niyazimbetov, tuman IIB boshligʻi oʻrinbosari B.Urazov va tuman Xalq taʼlimi boʻlimi mudiri A.Ismailovlar hamda taʼlim tizimda mehnat qilayotgan ayol-qizlar ishtirok etdilar.
Seminarda Oʻzbekiston Respublikasi “Xotin-qizlarni tazyiq va zoʻravonlikdan himoya qilish toʻgʻrisida”gi Qonunining mazmun-mohiyati, ahamiyati tushuntirildi. Soʻzga chiqqan masʼullar xotin-qizlarni tazyiq va zoʻravonlikdan himoya qilish sohasidagi vakolatli davlat organi va tashkilotlari vakolatlari, tazyiq va zoʻravonlikni oldini olishga qaratilgan yakka tartibdagi chora-tadbirlar, ularning turlari, tazyiq va zoʻravonlikdan jabrlanuvchilarni maxsus markazlarga joylashtirish va boshqa masalalar xususida batafsil toʻxtalib oʻtdilar.
Mutasaddilar tomonidan tazyiq va zoʻravonlikdan jabrlanuvchi oʻziga nisbatan tazyiq va zoʻravonlik sodir etilgani yoki ularni sodir etish tahdidi toʻgʻrisida ariza bilan tegishli vakolatli organlar hamda tashkilotlarga yoxud sudga murojaat etish huquqiga ega ekanligi, shuningdek, ular maxsus markazlarda, ishonch telefoni orqali bepul huquqiy maslahat olishlari va ijtimoiy, psixologik, tibbiy va boshqa yordam olish, ichki ishlar organlariga himoya orderi berish toʻgʻrisidagi talab bilan murojaat qilish toʻgʻrisidagi huquqlari batafsil maʼlumot berildi.
Seminar davomida Qonunga asosan himoya orderini berish tartibi, muddati, muddatning uzaytirilishi mazmunli tarzda tushuntirib berildi. Tazyiq va zoʻravonliklarning keltirib chiqaruvchi omillarning asosiylari sanab oʻtildi va hayotiy misollar bilan asoslab berildi. Oilaviy nizo va zoʻravonlikning farqi, tazyiq va zoʻravonlikni oldini olish borasida idoralararo hamkorlik, Qonunning global jarayonlarga mosligi slaydlar asosida koʻrsatildi.
Tadbir soʻngida ishtirokchilar oʻzlarini qiziqtirgan masalalar yuzasidan savollar bilan murojaat qildilar va ularning savollariga batafsil javoblar berildi.
J.Oʻrazboyev, Jinoyat ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
