BAYROĞIMIZ – FAXRU ĞURURIMIZ!

Davlat bayroği Özbekiston Respublikasining 1991-yil 18-noyabrdagi 407-XII-sonli «Özbekiston Respublikasining Davlat bayroği töğrisida»gi qonuni bilan tasdiqlangan. Davlat ramzlari har bir mamlakatning suvereniteti va mustaqilligini ifodalovçi muqaddas timsollardir. Özbekistonning davlat ramzlari xalqimizning şon-şarafi, tarixiy xotirasi va intilişlarini özida mujassam etib, şu yurtda yaşovçi har bir fuqaroga ğurur, faxr va iftixor bağişlaydi.

Davlatimiz ramzlari – maʼnaviyatning eng muhim timsollaridir. Şu bois, bayroğimiz yoki gerbimizga nazar solganimizda yoki madhiyamiz yangraganda biz ruhan jöşqinlikni, azm-u şijoatimiz oşganini, qalbimizda ğurur va buyuk istiqbolga işonç tuyğusini his etamiz. Özida juda katta maʼno-mazmunni mujassam etgan, yuksak did va mahorat bilan puxta işlangan, özida butun Özbekiston ahlining asriy orzu-istaklarini, ğayrati va şijoatini, xalqimizga xos mehmondöstlikni, ajdodlar yodi hamda millat ğururini mujassam etgan bayroğimiz sayyoramizdagi barça mamlakatlarning davlat ramzlari orasida alohida hurmat va ehtiromga sazovordir.

Uşbu qonunning 4-5-moddalarida, Özbekiston Respublikasining Davlat bayroği – bayroqning butun uzunligi böylab ötgan töq moviy rang, oq rang va töq yaşil rangli uçta endan tarkib topgan töğri törtburçak şaklidagi matoligi töğrisida va Özbekiston Respublikasi Davlat bayroğining uzunligi 250 santimetrga, kengligi 125 santimetrga tengligi, moviy rang, oq rang va yaşil rangli enlarning kengligi bir xilligi belgilangan. Şuningdek, har bir en 40 santimetrga tengdir. Özbekiston Respublikasi Davlat bayroğining örtasidagi oq rangli enning çetlaridan kengligi 2,5 santimetrga teng qizil hoşiyalar ötkazilgan.

Özbekiston Respublikasi Davlat bayroğining yuqori qismidagi moviy rangli enning yuz tomoni va orqa tomonida dastaga yaqin joyida oq rangli yangi oy va uning yonida ön ikkita oq rangdagi beş qirrali yulduz tasvirlangan. Oq rangli yangi oy va ön ikkita oq rangli beş qirrali yulduzning tasviri moviy rangli yuqori enning örtasidan 70x30 santimetrga teng töğri törtburçakka siğadigan qilib joylaştirilgan. Oq rangli yangi oy vertikal holatda döng tomoni dastaga qaratilgan, dastadan 20 santimetr masofada joylaştirilgan bölib, diametri 30 santimetrli doiraga siğadi. Ön ikkita oq rangli beş qirrali yulduz diametri 6 santimetrli doiraga siğadi. Doiralar orasidagi masofa 6 santimetr. Yulduzlar uzunasiga va tikkasiga quyidagi tartibda joylaşadi: yuqori qatorda uçta, örta qatorda törtta va quyi qatorda beşta yulduz. Quyi qatordagi yulduzlar yangi oyning pastki uçidan 3,5 santimetr masofada joylaşadi.

Bugun milliy bayroğimiz davlat idora va muassasalari, öquv yurtlari, Özbekiston aʼzo bölgan xalqaro taşkilotlar, çet ellardagi elçixona va doimiy vakolatxonalarimiz peştoqida hilpirab turibdi. Turli bayram tantanalarida, mamlakatimiz aʼzolari qatnaşayotgan xalqaro miqyosdagi siyosiy, madaniy-maʼrifiy tadbirlarda, nufuzli sport musobaqalarida ham bayroğimiz Vatanimizning şaʼni, xalqimizning ğururini yorqin aks ettirmoqda. Masalan, xalqaro sport bellaşuvlarida ğalaba qozongan sportçilarimiz şarafiga yurtimiz bayroği baland kötarilgan lahzada har birimiz çeksiz hayajonga tuşamiz, heç kimdan kam emasligimizdan ğururlanamiz. Xulosa örnida aytiş lozimki, davlatimiz bayroği tinç va osoyişta, ozod hamda erkin hayotimiz, yoruğ kelajagimizga bölgan işonçimiz timsolidir.

Davlat ramzlarining muqaddasligini, ular bizga yurt manfaati har nedan ustunligini anglatib, eslatib turişini har birimiz, ayniqsa, yoş avlod yodda tutişi maqsadga muvofiqdir.

N.Jumaniyozova, tuman Yuridik xizmat körsatiş markazi boşliği.