“MILLIY ANʼANALARIMIZ - GʻURURIMIZ” NOMLI TARBIYaVIY SOAT OʻTKAZILDI
Dehqon ahlining qadimiy bayram – Navroʻzni har yili zoʻr quvonch, katta tayyorgarlik bilan kutib olish elimizning eng yaxshi udumlaridan biri. Qutlugʻ kun bahona koʻchalar tozalanib, ariqlar qaziladi, hammayoq supurib-sidiriladi. Yalpiz, ismaloq, jagʻ-jagʻ kabi koʻkatlardan somsalar yopiladi.
Oʻlkamizga Navroʻzi olam tashrif buyurishi munosabati bilan 64-sonli maktabning 2-“B” sinfida “Milliy anʼanalarimiz - gʻururimiz” mavzusida tarbiyaviy soat tashkil etildi. Bunda oʻquvchilar Navroʻz bayrami, unga bogʻliq urf-odat va anʼanalarimiz haqida bilib oldilar.
Tarbiyaviy soatda oʻgʻil bolalarning “Chillak”, qizlarning esa, “Besh tosh” kabi milliy oʻyinlari haqida koʻpgina maʼlumotlarga ega boʻldilar. Navroʻzda ijro etiladigan xalq oʻyinlarini oʻziga xos xususiyatlariga koʻra, alohida va boʻlinib, tarafma-taraf boʻlib oʻynaladigan, soʻz va qoʻshiqli oʻyinlarga boʻlinishi, ularning yoshlar kamolotidagi oʻrni haqida samimiy suhbat boʻldi.
Toʻgʻri tanlangan oʻyin yosh avlodni har tomonlama muvaffaqiyatli tarbiyalash vositalaridan biri sifatida xizmat qilishi taʼkidlandi.
Bolajonlar qaldirgʻoch xatjildlar ichida yozilgan topshiriqlarni bajardilar. Bayram urf-odatlari haqida aytilgan fikrlarning tushirib qoldirilgan soʻzlarini davom ettirishdi. “Ikki oʻrtoq” oʻyini, “Aqliy hujum” kabi metodlar orqali oʻquvchilar fikrlashga oʻrgatildi, ulardagi topqirlik koʻnikmalari shakllantirildi.
Dildor SAPARBOYeVA,
64-sonli maktab boshlangʻich sinf oʻqituvchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
