107 YoShNING OSTONASIDA EL-U XALQ KELAJAGI UChUN OVOZ BERAMAN!
Parda Bekniyozova, 1915-yilda tugʻilgan, tumanimizdagi eng keksa, 106 yoshli saylovchi: - Men oʻz hayotim davomida juda koʻp saylovlarda ishtirok etdim. Bir paytlar “Saylov boʻladi, saylov boʻladi”, deyishardi-yu, saylov qachon boʻladi, qanday saylov, deputatni saylaymizmi yoki hukumat odaminimi, bilmasdik. Bilganimiz, saylovning boʻlishi va saylovning oʻtishi edi. Saylovdan soʻng “falonchi deputat yo falonchi hukumatga boshliq boʻlibdi”, - degan xabarni eshitardik. Sovetning saylovlari shunaqa edi. Saylov uchastkasi bor-yoʻqligini ham xalq bilavermasdi. Xalqda erk, huquq boʻlmagan-da, deyman hozirgi saylovlarni koʻrib.
Mustaqillik xalqimizning qadr-qimmatini, haq-huquqi, erkini joyiga qoʻydi. Yaqinda 106 yoshga toʻlaman. Oʻzbekiston Respublikasi Prezidentini saylashga men ham tayyorgarlik koʻrdim. Har kuni televizorda prezidentlikka nomzodlarning “men saylansam, unday qilaman, bunday qilaman”, degan vaʼdalarini eshitib, koʻraverib, allaqachon bir xulosaga kelib boʻldim. Qolaversa, qishlogʻimizdagi saylov uchastkasidan yigit-qizlar kelishib, tushunchalar berishayotganining oʻzi aniq toʻxtamga kelishim uchun katta ahamiyat kasb etdi. Yana, saylov kuni ovora boʻlib yurishimga ham hojat yoʻq.
“Momo, uyingizga saylov qutisini olib kelamiz, sizni urintirmaymiz”, deyishyapti baraka topgurlar. Ana shunday imkoniyat yaratib berilayotgani, emin-erkin oʻzi tanlagan nomzodga ovoz berishim uchun uyimga koʻchma saylov qutisini olib kelishni tashkil etishayotganidan mamnunman.
24-oktyabr – men uchun haqiqiy bayram. 107 yoshning ostonasida xalqimiz, nevara-chevaralarim kelajagi uchun oʻzim eng munosib deb bilgan nomzodga ovoz beraman!
Robiya YOʻLDOShEVA yozib oldi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
