MUSTAQILLIGIMIZNI QADRLAB, VATANIMIZ RAVNAQI UChUN HISSA QOʻShAMIZ

Nasib qilsa, yaqin orada Mustaqilligimizning 30-yilligini keng nishonlaymiz. Biz uchun  ushbu sana katta tarixiy ahamiyatga egadir. Yaqin tarixga nazar tashlasak, mustaqillikni qoʻlga kiritishni ajdodlarimiz orzu qilib, intilib yashagan.
Koʻp millatli oʻzbek xalqimiz boshidan ne-ne sinovlar oʻtmadi.  Xalqimizning metin irodasi va matonati tufayli bu sinovlarni bosib oʻtdik. Mustaqillikka erishilgandan keyin  keng koʻlamli islohotlar amalga oshirildi,  har qanday toʻsiqlar olib tashlandi. Iqtisodiyot, xususiy tadbirkorlikni rivojlantirish uchun talay ishlar qilindi. Qolaversa, ijtimoiy himoyaga muhtoj qatlamni qoʻllab-quvvatlashga alohida eʼtibor berilmoqda.

Prezidentimiz “Yangi Oʻzbekiston” gazetasi bosh muharriri Salim Doniyorovga bergan inervyusida “Xalq bizdan rozi boʻlsa Yaratgan xam rozi boʻladi” deb aytdilar. Haqiqatan xam odamlarning koʻzlariga qarasangiz ular oʻz hayotidan roziligi va mamnunligi shundoq bilinib turadi. Yaqin qoʻshnimiz Afgʻonistondagi voqealar bizni har bir tinch ottirayotgan tongimiz uchun shukrona qilib yashashga daʼvat etadi.

Mustaqillikning qadriga yetishimiz zarur va har bir fuqaro vatanimiz ravnaqi uchun oʻz hissasini qoʻshmogʻi joizdir. Mustaqillik bayrami barchamizga muborak boʻlsin.

F. Eshimbetova, Oʻz MtDP Amudaryo tuman Kengashi ijrochi kotibi.