“Ishbilarmon ayol” koʻrik tanlovining tuman bosqichi oʻtkazildi
Tadbirkorlar va ishbilarmonlar harakati – Oʻzbekiston Liberal-demokratik partiyasi Siyosiy Kengashi Ijroiya qoʻmitasi tomonidan har yili mamlakatimiz taraqqiyoti va xalq farovonligi yoʻlida faol ishtirok etayotgan tadbirkor va fermer xotin-qizlarni qoʻllab-quvvatlash, hududlarda xotin-qizlar oʻrtasida oilaviy tadbirkorlikni jadal rivojlanishni ragʻbatlantirish, xotin-qizlar tadbirkorligining ilgʻor tajribalarni ommalashtirish, tadbirkorlikka oid kasbiy mahorati va bilim darajasini oshirish uchun zaruriy shart-sharoit yaratish maqsadida “Ishbilarmon ayol” koʻrik-tanlovini tashkil etish anʼanaga aylandi.
Xotin-qizlarni oilaviy tadbirkorlikka, kichik biznes va xususiy tadbirkorlik, fermerlikka jalb etish hamda bandligiga koʻmaklashish orqali yosh oilalarni qoʻllab-quvvatlash, iqtidorlarini roʻyobga chiqarish, tashabbuslarini qoʻllab-quvvatlash borasida oʻtkazib kelinayotgan mazkur tanlov bu yil ham davom ettirilmoqda.
Shu yilning 28-iyul sanasida “Ishbilarmon ayol” koʻrik tanlovining tuman bosqichi boʻlib oʻtdi. Mazkur tanlovning tuman boshqichi Oʻzbekiston Liberal-demokratik partiyasi tuman kengashi tashabbusi bilan tashkil etildi. Tanlov karantin qoidalariga qatʼiy rioya qilgan holda oʻtkazilib, tumandagi qator tadbirkor ayollarning ish-faoliyatlari joyida koʻrib chiqish orqali oʻrganildi.
Koʻrik-tanlovga Oʻzbekiston Liberal-demokratik partiyasi tuman kengashi apparat rahbari Madamin Kazakov, tuman Mahalla va oilani qoʻllab-quvvatlash boʻlimi boshligʻining birinchi oʻrinbosari Muqaddas Beknazarova, Qoraqalpogʻiston Raspublikasi Hunarmandlar uyushmasi masʼul xodimi Oʻringul Xudoyberganovalar hakamlik qildilar. Hakamlar hayʼati aʼzolari tanlov mobaynida tumandagi sakkiz nafar tadbirkor va ishvilarmon ayollarning faoliyati bilan yaqindan tanishdilar. Ularning shu davrga qadar erishgan yutuqlari, imkoniyatlari hamda kamchiliklarini oʻrgandilar.
Aytish kerakki, joylarda, ayniqsa eng chekka hududlarda, xotin-qizlar bandligini taʼminlash, ayniqsa, “temir daftar”, “ayollar daftari”ning joriy etilishi orqali ishsiz, hunarsiz ayollarni oʻqitishga, ishga joylashtirishga katta eʼtibor qaratilib, loyihalar amalga oshirilmoqda. Ayniqsa, soʻnggi uch-toʻrt yilda erkin va farovon jamiyat qurish, xotin-qizlarning ijtimoiy-iqtisodiy faolligini oshirish, ularning davlat va jamiyat hayotidagi oʻrni va mavqeini oshirish, oila institutini mustahkamlash kabi yoʻnalishlarda misli koʻrilmagan tizimli ishlar hayotga tatbiq etilmoqda. “Ishbilarmon ayol” tanlovining oʻtkazib kelinayotgani ham bu borada amalga oshirilayotgan samarali ishlardan biri, desak, also mubolagʻa emas.
Tanlovning tuman bosqichi yakuniy natijalarga koʻra “Tamara tekstil” MChJ rahbari Tamara Yusupovaning tadbirkorlik va ishbilarmonlik faoliyati oliy oʻringa munosib deya topildi. Hakamlar hayʼati aʼzolari tomonidan yakka tadbirkor Mehribon Xonova 2-oʻringa loyiq koʻrildi. Shuningdek, “Abror-Bunyod” oilaviy korxonasi rahbari Feruza Xaytakova 3-oʻrin sohibasi boʻldi. Gʻoliblar fahriy yorliq hamda qimmatbaho sovgʻalar bilan taqdirlandilar.
Taʼkidlash kerakki, “Ishbilarmon ayol” koʻrik tanlovi orqali mamlakat iqtisodiyotining tayanch ustunlaridan biri boʻlgan kichik biznes va xususiy tadbirkorlikni rivojlantirishda masʼuliyatni oʻz zimmasiga olishga tayyor xotin-qizlarimiz yetishib chiqayotganini yana bir karra isbotlanmoqda.
Charos Arslonova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
