“Ишбилармон аёл” кўрик танловининг туман босқичи ўтказилди
Тадбиркорлар ва ишбилармонлар ҳаракати – Ўзбекистон Либерал-демократик партияси Сиёсий Кенгаши Ижроия қўмитаси томонидан ҳар йили мамлакатимиз тараққиёти ва халқ фаровонлиги йўлида фаол иштирок этаётган тадбиркор ва фермер хотин-қизларни қўллаб-қувватлаш, ҳудудларда хотин-қизлар ўртасида оилавий тадбиркорликни жадал ривожланишни рағбатлантириш, хотин-қизлар тадбиркорлигининг илғор тажрибаларни оммалаштириш, тадбиркорликка оид касбий маҳорати ва билим даражасини ошириш учун зарурий шарт-шароит яратиш мақсадида “Ишбилармон аёл” кўрик-танловини ташкил этиш анъанага айланди.
Хотин-қизларни оилавий тадбиркорликка, кичик бизнес ва хусусий тадбиркорлик, фермерликка жалб этиш ҳамда бандлигига кўмаклашиш орқали ёш оилаларни қўллаб-қувватлаш, иқтидорларини рўёбга чиқариш, ташаббусларини қўллаб-қувватлаш борасида ўтказиб келинаётган мазкур танлов бу йил ҳам давом эттирилмоқда.
Шу йилнинг 28 июль санасида “Ишбилармон аёл” кўрик танловининг туман босқичи бўлиб ўтди. Мазкур танловнинг туман бошқичи Ўзбекистон Либерал-демократик партияси туман кенгаши ташаббуси билан ташкил этилди. Танлов карантин қоидаларига қатъий риоя қилган ҳолда ўтказилиб, тумандаги қатор тадбиркор аёлларнинг иш-фаолиятлари жойида кўриб чиқиш орқали ўрганилди.
Кўрик-танловга Ўзбекистон Либерал-демократик партияси туман кенгаши аппарат раҳбари Мадамин Казаков, туман Маҳалла ва оилани қўллаб-қувватлаш бўлими бошлиғининг биринчи ўринбосари Муқаддас Бекназарова, Қорақалпоғистон Распубликаси Ҳунармандлар уюшмаси масъул ходими Ўрингул Худойбергановалар ҳакамлик қилдилар. Ҳакамлар ҳайъати аъзолари танлов мобайнида тумандаги саккиз нафар тадбиркор ва ишвилармон аёлларнинг фаолияти билан яқиндан танишдилар. Уларнинг шу даврга қадар эришган ютуқлари, имкониятлари ҳамда камчиликларини ўргандилар.
Айтиш керакки, жойларда, айниқса энг чекка ҳудудларда, хотин-қизлар бандлигини таъминлаш, айниқса, “темир дафтар”, “аёллар дафтари”нинг жорий этилиши орқали ишсиз, ҳунарсиз аёлларни ўқитишга, ишга жойлаштиришга катта эътибор қаратилиб, лойиҳалар амалга оширилмоқда. Айниқса, сўнгги уч-тўрт йилда эркин ва фаровон жамият қуриш, хотин-қизларнинг ижтимоий-иқтисодий фаоллигини ошириш, уларнинг давлат ва жамият ҳаётидаги ўрни ва мавқеини ошириш, оила институтини мустаҳкамлаш каби йўналишларда мисли кўрилмаган тизимли ишлар ҳаётга татбиқ этилмоқда. “Ишбилармон аёл” танловининг ўтказиб келинаётгани ҳам бу борада амалга оширилаётган самарали ишлардан бири, десак, алсо муболаға эмас.
Танловнинг туман босқичи якуний натижаларга кўра “Тамара текстиль” МЧЖ раҳбари Тамара Юсупованинг тадбиркорлик ва ишбилармонлик фаолияти олий ўринга муносиб дея топилди. Ҳакамлар ҳайъати аъзолари томонидан якка тадбиркор Меҳрибон Хонова 2-ўринга лойиқ кўрилди. Шунингдек, “Аброр-Бунёд” оилавий корхонаси раҳбари Феруза Хайтакова 3-ўрин соҳибаси бўлди. Ғолиблар фаҳрий ёрлиқ ҳамда қимматбаҳо совғалар билан тақдирландилар.
Таъкидлаш керакки, “Ишбилармон аёл” кўрик танлови орқали мамлакат иқтисодиётининг таянч устунларидан бири бўлган кичик бизнес ва хусусий тадбиркорликни ривожлантиришда масъулиятни ўз зиммасига олишга тайёр хотин-қизларимиз етишиб чиқаётганини яна бир карра исботланмоқда.
Чарос Арслонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
