SPORTGA XAMDAM KIZLAR
Bugungi kunda yurtimizda yoshlarning sport bilan shugʻullanib, oʻz qobiliyatlarini namoyon etishlari uchun juda koʻplab shart-sharoitlar va imkoniyatlar yaratilgan.
Ana shu imkoniyatlardan unumli foydalanib, tengdoshlariga namuna boʻlayotgan yoshlardan biri Diyora sportning badiiy gimnastika turi bilan shugʻullanadi. U 3-sinfdalik paytidan tuman BOʻSMning badiiy gimnastika sport turi murabbiyi M.Matyoqubovaning mashgʻulotlarida muntazam qatnasha boshladi. Oʻzining tirishqoqligi bilan jamoada ajralib turadigan Diyora gimnastika sporti sir-asrorlarini qunt bilan oʻzlashtirdi va murabbiyining tavsiyalari bilan 9-sinfdan boshlab, Nukus shahridagi ixtisoslashtirilgan Olimpiya zahiralari maktab-internatida oʻqishni davom ettirdi.
D.Yodgorova oʻqish jarayonida badiiy gimnastika sporti musobaqalarida ishtirok etdi. U 2018-yilda sportning badiiy gimnastika turi boʻyicha oʻtkazilgan Nukus Olimpiya zahiralari kollejining ochiq birinchiligida 3-oʻrinni qoʻlga kiritdi. Kollejni muvaffaqiyatli tugatib, Oʻzbekiston Jismoniy tarbiya va sport Universitetining Nukus filialiga oʻqishga kirdi. Ayni paytda BOʻSMning badiiy gimnastika sport turi murabbiyi.
Uning oʻquvchilari ham musobaqa va turnirlarda ishtirok etib, yaxshi natijalarni qayd etishmoqda va tumanimiz sharafini himoya qilishmoqda. 2020-yil 4-5-dekabr kunlari Qoraqalpogʻiston Respublikasi Jismoniy tarbiya va sport Vazirligi tomonidan sportning badiiy gimnastika turi boʻyicha oʻsmir qizlar oʻrtasida oʻtkazilgan Qoraqalpogʻiston Respublikasi kubogida E.Baxtiyorova 3-oʻrinni, Beruniy tumani yoshlar ishlari Agentligi tomonidan oʻtkazilgan “Qor malikasi” nomli ochiq turnirda Sh.Nurimbetova ham 3-oʻrinni egalladi.
Hozirda Diyora oʻquvchi-shogirdlari bilan navbatdagi musobaqaga tayyorgarlik koʻrmoqda. Qizlardagi shijoat, sportga boʻlgan ishtiyoq va qiziqishni koʻrib, havasingiz keladi.
Iroda YeRDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
