“BOʻSTON” MAHALLASI YoShLARI FUTBOL MUSOBAQASINING MAMLAKAT MIQYoSIDAGI FINAL BOSQIChIGA YOʻLLANMA OLDI

Shu yilning 30-may kuni Nukus shahrida “Sportni sev, sport bilan yasha” shiori ostida oʻtkazilayotgan respublika sport festivalining futbol turi boʻyicha Qoraqalpogʻiston Respublikasi bosqichi boʻlib oʻtdi.

Unda avval hududiy, keyin tuman bosqichlarida gʻoliblikka erishgan respublika tumanlari futbol ishqibozlaridan tuzilgan jamoalar oʻzaro kuch sinashdilar.

Keskin bellashuvlar ostida kechgan musobaqada tumanimizning Boʻston mahallasi futbolsevar yoshlaridan tashkil topgan “Boʻston” jamoasi juda muvaffaqiyatli ishtirok etdi. Ular Xoʻjayli, Qoʻngʻirot, Oqmangʻit jamoalari bilan oʻyinga tushib magʻlub etib, ushbu sport festivalining oʻzbekiston Respublikasi bosqichiga, yaʼni finaliga yoʻllanmani qoʻlga kiritdilar.

Amudaryoliklar ularning gʻalabasi bilan har qancha faxrlansa, arziydi.

Sevara Ismoilova.