INVESTORLAR BILAN UShRAShUV BOʻLIB OʻTDI

Qoraqalpogʻiston Respublikasi sudining tashabbusi bilan Qoraqalpogʻiston Respublikasi sudining iqtisodiy ishlar boʻyicha sudlov hayʼati raisi G.Zaripova, sudyalar S.Niyazov, B.Qtaybekov, U.Sabirov, Savdo-sanoat palatasi Qoraqalpogʻiston Respublikasi boshqarmasi xodimlari, investorlar va tadbirkorlar ishtirokida “Oʻzbekiston Respublikasi Iqtisodiy protsessual kodeksining ivestitsiya va raqobatga oid normalari” mavsusida seminar oʻtkazildi.

Seminarda Oʻzbekiston Respublikasi Prezidentining 2020-yil 24-iyuldagi “Sudlar faoliyatini yanada takomillashtirish va odil sudlov samaradorligini oshirishga doir qoʻshimcha chora-tadbirlar toʻgʻrisida”gi PF-6034-sonli Farmoniga koʻra, Oʻzbekiston Respublikasi Oliy sud tuzilmasida investitsiyaviy nizolarni hamda raqobatga oid ishlarni koʻrish boʻyicha sudlov tarkibini tuzish haqidagi taklifi maʼqullanganligi, sudlov tarkibiga investitsiya kiritilgan sanada yigirma million AQSh dollari ekvivalentidan kam boʻlmagan miqdorda investitsiyani amalga oshirgan jismoniy yoki yuridik shaxslar, yaʼni yirik investorlar va davlat organlari oʻrtasida yuzaga keladigan investitsiyaviy nizolar hamda raqobatga oid ishlarni koʻrish vakolati berilganligi, investitsiyaviy nizolar boʻyicha yirik investorlarning, raqobatga oid ishlar boʻyicha taraflarning xohishiga koʻra, ushbu toifadagi ishlar bevosita sudlov tarkibi tomonidan birinchi instantsiya sudi sifatida koʻrilishi, qolgan investitsiyaviy nizolar investorlarning xohishiga koʻra, Qoraqalpogʻiston Respublikasi, viloyatlar va Toshkent shahar sudi tomonidan birinchi instantsiya sudi sifatida koʻrilishi mumkinligi aytib oʻtildi.

Bundan tashqari investitsiyaviy nizolar boʻyicha ishlar jumlasiga

- investitsiya shartnomalarini tuzish, oʻzgartirish va bekor qilish bilan bogʻliq nizolar;

- investitsiya shartnomalarini haqiqiy emas deb topish haqidagi nizolar;

- investitsiya shartnomasining bajarilishi bilan bogʻliq nizolar;

- investitsiya shartnomasidan kelib chiqadigan soliqqa, bojxonaga oid, ijtimoiy, ekologik majburiyatlarning va boshqa majburiyatlarning investor tomonidan bajarilishi bilan bogʻliq nizolar;

- investitsiya shartnomasi boʻyicha investorga berilgan mol-mulkni talab qilib olish, shuningdek bunday shartnoma boʻyicha neustoyka undirish va (yoki) zararlarni oʻrnini qoplash toʻgʻrisidagi nizolar kirishi haqida aytib oʻtildi.

Ushrashuv yakunida mamlakatimizda investitsiyaviy jozibadorligini oshirish hamda xorijiy va mahalliy investorlarning manfaatlarini himoya qilish borasidagi tizimli ishlar joriy etilganligi, investorlarning manfaatlarini himoya qilish borasida tizimli ishlar joriy etilganligi, investorlarning manfaati qonunchilik bilan mustahkamlanganligi taʼkidlanib, investorlar va tadbirkorlar oʻzlarini qiziqtirgan savollarga javob olishdi.

B.Ktaybekov, Qoraqalpogʻiston Respublikasi sudining iqtisodiy ishlar boʻyicha sudyasi.