ИНВЕСТОРЛАР БИЛАН УШРАШУВ БЎЛИБ ЎТДИ

Қорақалпоғистон Республикаси судининг ташаббуси билан Қорақалпоғистон Республикаси судининг иқтисодий ишлар бўйича судлов ҳайъати раиси Г.Зарипова, судьялар С.Ниязов, Б.Қтайбеков, У.Сабиров, Савдо-саноат палатаси Қорақалпоғистон Республикаси бошқармаси ходимлари, инвесторлар ва тадбиркорлар иштирокида “Ўзбекистон Республикаси Иқтисодий процессуал кодексининг ивестиция ва рақобатга оид нормалари” мавсусида семинар ўтказилди.

Семинарда Ўзбекистон Республикаси Президентининг 2020 йил 24 июлдаги “Судлар фаолиятини янада такомиллаштириш ва одил судлов самарадорлигини оширишга доир қўшимча чора-тадбирлар тўғрисида”ги ПФ-6034-сонли Фармонига кўра, Ўзбекистон Республикаси Олий суд тузилмасида инвестициявий низоларни ҳамда рақобатга оид ишларни кўриш бўйича судлов таркибини тузиш ҳақидаги таклифи маъқулланганлиги, судлов таркибига инвестиция киритилган санада йигирма миллион АҚШ доллари эквивалентидан кам бўлмаган миқдорда инвестицияни амалга оширган жисмоний ёки юридик шахслар, яъни йирик инвесторлар ва давлат органлари ўртасида юзага келадиган инвестициявий низолар ҳамда рақобатга оид ишларни кўриш ваколати берилганлиги, инвестициявий низолар бўйича йирик инвесторларнинг, рақобатга оид ишлар бўйича тарафларнинг хоҳишига кўра, ушбу тоифадаги ишлар бевосита судлов таркиби томонидан биринчи инстанция суди сифатида кўрилиши, қолган инвестициявий низолар инвесторларнинг хоҳишига кўра, Қорақалпоғистон Республикаси, вилоятлар ва Тошкент шаҳар суди томонидан биринчи инстанция суди сифатида кўрилиши мумкинлиги айтиб ўтилди.

Бундан ташқари инвестициявий низолар бўйича ишлар жумласига

- инвестиция шартномаларини тузиш, ўзгартириш ва бекор қилиш билан боғлиқ низолар;

- инвестиция шартномаларини ҳақиқий эмас деб топиш ҳақидаги низолар;

- инвестиция шартномасининг бажарилиши билан боғлиқ низолар;

- инвестиция шартномасидан келиб чиқадиган солиққа, божхонага оид, ижтимоий, экологик мажбуриятларнинг ва бошқа мажбуриятларнинг инвестор томонидан бажарилиши билан боғлиқ низолар;

- инвестиция шартномаси бўйича инвесторга берилган мол-мулкни талаб қилиб олиш, шунингдек бундай шартнома бўйича неустойка ундириш ва (ёки) зарарларни ўрнини қоплаш тўғрисидаги низолар кириши ҳақида айтиб ўтилди.

Ушрашув якунида мамлакатимизда инвестициявий жозибадорлигини ошириш ҳамда хорижий ва маҳаллий инвесторларнинг манфаатларини ҳимоя қилиш борасидаги тизимли ишлар жорий этилганлиги, инвесторларнинг манфаатларини ҳимоя қилиш борасида тизимли ишлар жорий этилганлиги, инвесторларнинг манфаати қонунчилик билан мустаҳкамланганлиги таъкидланиб, инвесторлар ва тадбиркорлар ўзларини қизиқтирган саволларга жавоб олишди.

Б.Ктайбеков, Қорақалпоғистон Республикаси судининг иқтисодий ишлар бўйича судьяси.