Oʻzbekiston Respublikasiga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash boʻyicha Respublika maxsus komissiyasining 2020-yil 31-avgustdagi 45-sonli yigʻilish bayoni ijrosi toʻgʻrisida

Oʻzbekiston Respublikasiga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash boʻyicha Respublika maxsus komissiyasining 2020-yil 31-avgustdagi 45-sonli yigʻilish bayoni qarori ijrosini taʼminlash maqsadida Oʻzbekiston Respublikasining “Mahalliy davlat hokimiyati toʻgʻrisida”gi Qonunining 24-moddasiga muvofiq xalq deputatlari Amudaryo tuman Kengashi QAROR QILADI:

1. Tuman maktabgacha taʼlim boʻlimi mudiri oʻrinbosari I.Radjapovning Oʻzbekiston Respublikasiga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash boʻyicha Respublika maxsus komissiyasining 2020-yil 31-avgustdagi 45-sonli yigʻilish bayoni ijrosi yuzasidan axboroti maʼlumot uchun qabul qilinsin.

2. Oʻzbekiston Respublikasiga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash boʻyicha Respublika maxsus komissiyasining 2020-yil 31-avgustdagi 45-sonli yigʻilish bayoniga asosan ota-onalarning fikrlari va xalq deputatlari mahalliy kengashlari takliflariga muvofiq, maktabgacha taʼlim tashkilotlarida yangi oʻquv yilini 2020-yil sentyabr oyidan boshlab anʼanaviy va masofaviy shaklda bosqichma-bosqich boshlashga ruxsat berilganligi inobatga olinsin.

3. Tuman maktabgacha taʼlim boʻlimi (S.Sodikova) 2020-yil 7-sentyabr kuniga qadar tumandagi barcha maktabgacha taʼlim tashkilotlari pedagoglari va tashkilot Kuzatuv Kengashlari aʼzolari bilan birgalikda ota-onalar orasida soʻrovnoma oʻtkazsin.

4. Tuman sanitariya epidemiologik osoyishtalik markazi tomonidan tumandagi sanitariya talablariga javob beradi deb topilgan maktabgacha taʼlim tashkilotlari faoliyatini boshlashga ruxsat berish tartibi joriy qilinsin.

Belgilab qoʻyilsinki, tuman sanitariya epidemiologik osoyishtalik markazining xulosasi olingach 14-sentyabr kunidan boshlab, 2020-yil 1-oktyabr kuniga qadar maktabgacha taʼlim tashkilotlari faoliyatlarini bosqichma-bosqich boshlashga ruxsat beriladi.

5. Tuman maktabgacha taʼlim boʻlimi (S.Sodikova) tuman sanitariya epidemiologik osoyishtalik markazi (T.Babaniyozov) bilan birgalikda ushbu tartib asosida maktabgacha taʼlim tashkilotlarining ish faoliyatlarini tashkil qilishsin.

6. Mazkur qaror “Taraqqiyot koʻzgusi” gazetasi, “Amudaryo televideniyesi” va “amunews.uz” elektron ommaviy axborot vositalarida eʼlon qilinsin.

7. Mazkur karorning ijrosiii nazorat kilish xalq deputatlari tuman Kengashining Ijtimoiy-madaniy sohani rivojlantirish, oila, xotin-qizlar va yoshlar masalalari boʻyicha raisi G.Eshimbetova zimmasiga yuklatilsin.

S.Yoʻldashev, Xalq deputatlari Amudaryo tuman Kengashi raisi

№ 105/14-6, 2020-yil 4-sentyabr