“Milliy tiklanish” demokratik partiyasi tuman Kengashi miting oʻtkazdi

Oʻzbekiston “Milliy tiklanish” demokratik partiyasi tomonidan mamlakatimiz boʻylab yangi formatda oʻtkazilayotgan saylovoldi targʻiboti kun sayin faollashmoqda.

Xususan, 2019-yil 16-noyabr kuni Amudaryo tumani Mangʻit shahridagi “Dehqon bozori” oldida partiya Amudaryo tuman kengashi tomonidan “Birmiz! Qoʻlni qoʻlga beramiz!” shiori ostida navbatdagi miting boʻlib oʻtdi.

Tadbirda partiya Qoraqalpogʻiston Respublikasi kengashi Ijroiya qoʻmitasi Devoni rahbari Levitan Abdimuratov, Qoraqalpogʻiston Respublikasi kengashi mutaxassisi Iskandar Jarimbetov, partiyaning Qoraqalpogʻiston Respublikasi Joʻqorgʻi Kengesi deputati Maryam Ahmedova va tuman Kengashidagi deputatlari, partiya “Ayollar va Yoshlar qanoti” faollari, yoshlar, sanʼatkorlar, sportchi chempionlar, madaniyat xodimlari, xunarmandlar uyushmasi, ommaviy axborot vositalari vakillari ishtirok etdi.

Saylovoldi targʻiboti doirasida milliy hunarmandlik mahsulotlari hamda tumanimiz tarixi va buguni aks ettirilgan rassomchilik asarlari koʻrgazmasi tashkil qilindi.

Targʻibot tadbirida partiya Qoraqalpogʻiston Respublikasi kengashi Ijroiya qoʻmitasi Devoni rahbari Levitan Abdimuratov soʻzga chiqib, bu yilgi saylov kampaniyasiga “Yangi Oʻzbekiston, yangi saylov” shiori ostida start berilib, bu jarayon yangi Saylov Kodeksi asosida oʻtkazilayotgani aytib oʻtdi.

Shuningdek, saylov bu, eng avvalo, xalqimizning davlat hokimiyati organlari faoliyatida oʻz vakillari orqali ishtirok etishdek Konstitutsiyaviy huquqini amalga oshirish hamda mamlakatimizdagi demokratik jarayonlarning yorqin koʻzgusi ekanligi va ayni paytda ana shunday muhim kampaniyada faol ishtirok etib, gʻalaba qozonish Oʻzbekiston “Milliy tiklanish” demokratik partiyasining asosiy vazifasiga aylanganligi eʼtirof etildi.

Bu borada “Milliy tiklanish” demokratik partiyasi xalqimizda milliy oʻzlikni anglash hissini oʻstirishga harakat qilar ekan, tarixiy, madaniy va ilmiy-intellektual merosni koʻz qorachigʻidek asrab-avaylash, boyitish va yanada koʻpaytirishga koʻmaklashish, oʻzbek xalqining boy tarixi va madaniyatini oʻrganish, ushbu boyliklarni yosh avlod oʻrtasida keng miqyosda targʻib etish, yoshlarda tarixiy meros va xalq anʼanalariga hurmat, ehtirom uygʻotish kabi keng koʻlamli vazifalarni amalga oshirib kelmoqda.

Qayd etilganidek, partiya oʻz gʻoyalarini hayotga izchil tatbiq etgan holda saylovda faol ishtirok etishni, parlamentda eng koʻp deputatlik oʻrniga ega boʻlishni rejalashtirmoqda. “Inson oʻzgarsa – jamiyat oʻzgaradi” shiori ostida aholining ijtimoiy-iqtisodiy muammolarini oʻrganish va bartaraf etishga koʻmaklashish, taʼlim va tarbiya sifati uzluksizligini taʼminlashga eʼtibor qaratish, milliy qadriyatlarni aholi orasida keng targʻib etish partiyaning ustuvor maqsadlaridan sanaladi.

Tadbirda foal qatnashgan ishtirokchilarga partiyaning esdalik sovgʻalari topshirildi hamda partiya safiga yangi aʼzolar qabul qilindi.

Ishtirokchilarga «Milliy tiklanish» demokratik partiyasining yangilanayotgan Oʻzbekistondagi shiddatli oʻzgarishlarga javob beradigan, xalqimizning maʼnaviy va iqtisodiy yuksalishiga xizmat qiluvchi gʻoyalari, saylovoli Platformasida belgilangan ustuvor vazifalari haqida maʼlumotlar berildi.

Maydon uzra “Birmiz! Qoʻlni-qoʻlga beramiz!” shiori yangradi.

Gulzoda Eshimbetova, OʻzMTDP Amudaryo tuman Kengashi raisi.