OILANI ASRANG
Bahorda ekilgan nihol yoz jaziramasida toblanib, kuzning muzdek shamollariga dosh bersagina, qahraton qishning qorli sovuqlariga chiday oladi. Xuddi shunday ikki yosh bir-birini emas, aksincha oʻz maqsadini, yaʼni oʻzini hurmat qilsa, hayot toʻsiqlarini mardona yengib oʻtadi. Turmush mushtiga dosh bera olmagan erkak yoki xotin ajrashish tufayli boshqa muhit, bekam-koʻst turmush oʻrtoq, tortishuvsiz oila topa oladimi? Qahraton qish sovugʻi chillasiga chiday olgan nihol yana bahor yuzini koʻradi. Xuddi shunday, turmushdagi toliqish, koʻp mehnat qilib, kam dam olish sababli jahl va asabiylikni yengish bilan oilani saqlab qolish mumkin.
Avval mehnat, boshqaruv, moslashuv va soʻnggi oʻrinda hissiyot shakllanadi. Avvalgi hissiyot oʻrnini voyaga yetgan hissiyot, hurmat, fidoyilik, tushunish, kelishuv egallaydi. Voyaga yetgan hissiyotning bolalik hissiyotidan farqi – kutmaydi. Kutish psixologiyasi bu kuchsizlik psixologiyasidir. Mehr kutilmaydi, beriladi. Sabr qilish soʻralmaydi, oʻzi sabr qiladi. Tarbiyalash bilan shugʻullanilmaydi, inson oʻzini tarbiyalash bilan band boʻladi. Bu eng kuchli insonlarga xos sifatlar boʻlib, shu sifatlar shakllanishi orqali bolani ham tarbiyalash zamini yaratiladi. Farzand otadan jahlni yengishni, gʻayrat bilan maqsadga yetishni, erta uygʻonishni, oʻz gapiga javob bera olishni, boʻysunishni, rahbarning qarorlarini puxta bajarishni, mehr berishni, qiyinchiliklarni sabr bilan yengishni oʻrganadi. Bolangizni tarbiyalash turmush oʻrtogʻingizni tarbiyalash emas, oʻzingizni tarbiyalashdir. Faqat va faqat oʻzingizni tarbiyalash orqali oilangizni asray olasiz. Oilangizni asrang, azizlar!
H.ABDURAHMONOVA,
“Oila” markazi tuman boʻlimi mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
