OILA QADRIYaTLARI – MUSTAHKAM OILANING ASOSI
Ayolning jamiyat hayotidagi faolligini oshirish, tadbirkorlikka keng jalb etish, oila va oila institutini yanada mustahkamlash va takomillashtirish, onalik va bolalikni muhofaza etish, ayol-qizlarning reproduktiv salomatligini yaxshilash, oilada tibbiy madaniyatni yuksaltirish hamda erta turmush qurishning oldini olish masalalari bugungi kunda tuman xotin-qizlar qoʻmitasi hamda Respublika “Oila” ilmiy-amaliy markazi tuman boʻlimining dolzarb vazifasi hisoblanadi. Oʻzbekiston Respublikasi Prezidentining joriy yil, 2-fevraldagi “Xotin-qizlarni qoʻllab-quvvatlash va oila institutini mustahkamlash sohasidagi faoliyatini tubdan takomillashtirish chora-tadbirlari toʻgrisida” gi Farmoni va ushbu Farmonga muvofiq ishlab chiqilgan Davlat dasturida belgilangan vazifalarning mazmun-mohiyati aynan shu kabi vazifalar ijrosini taʼminlashdan iborat.
Yaqinda tuman xotin-qizlar qoʻmitasi, Respublika “Oila” ilmiy-amaliy markazi tuman boʻlimi, “Mahalla” jamoat fondi tuman boʻlimlari hamkorligida Nazarxon ovulida boʻlib oʻtgan yigʻilishda yuqoridagi Prezident farmoni va Davlat dasturi doirasidagi vazifalarning amaliy ijrosiga alohida eʼtibor qaratildi.
Yigʻilishni tuman hokimi muovini, xotin-qizlar qoʻmitasi raisi Maryam Ahmedova ochdi va olib bordi.
Oshkora va samimiy muloqot tarzida boʻlib oʻtgan yigʻilishda Maryam Ahmedova yosh oilalarni mustahkamlashda keksa avlod vakillarining oʻrni, oila tutumlari, oila qadriyatlari, urf-odat va anʼanalarini yosh avlod ongiga singdirish, ularni milliy mentalitetimizdan kelib chiqqan holda yuksak insoniylik, vatanparvarlik va mehr-oqibat ruhida tarbiyalash, har bir bolaning mehnatsevar, odob-ahloqli, ilmga intiluvchan boʻlib voyaga yetishini taʼminlash boʻyicha qimmatli fikr-mulohazalarini bildirdi.
Shundan soʻng “Oila” ilmiy-amaliy markazi tuman boʻlimi raxbari Gulshod Yusupova oilada qiz bola tarbiyasi, erta turmush qurishning, qarindoshlar nikohining zararli oqibatlari va bunday nomaqbul nikohlarning oldini olish boʻyicha oʻz fikr-mulohazalarini bildirdi. Shu barobarida, farzandlarimizning imon-eʼtiqodli, iboli va hayoli, intizomli boʻlib voyaga yetishlarida oilada ota-onalik vazifalari xususida hayotiy misollar orqali tushunchalar berdi.
Yigʻilishda ishtirok etgan xududdagi fermer xoʻjaliklari raxbarlari, taʼlim, madaniyat va tibbiy muassasalar xodimlari, ishlab chiqarish korxonalari raxbarlari hamda ovulning koʻpni koʻrgan ibratli oilalar sohiblari, obroʻli uy bekalari, shuningdek yosh oilalar aʼzolari ovul ahli amal qiladigan va hamisha qadrlaydigan urf-odatlar, anʼana va qadriyatlarni oʻsib kelayotgan yosh avlod qalbiga singdirish, ovul yoshlari oʻrtasida tadbirkorlik, ishbilarmonlik muhitini yaratish va shu asosda boʻsh ish oʻrinlari sonini koʻpaytirib, yoshlarning bandligini taʼminlash yuzasidan oʻzlari amalga oshirayotgan ishlar va yangi rejalar haqida oʻzaro fikr almashdilar.
Guljahon IBRAGIMOVA, tuman xotin-qizlar qoʻmitasining
xotin-qizlar bilan ishlash va oilalarda
maʼnaviy-axloqiy qadriyatlarni mustahkamlash
boʻyicha mutaxassisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
