MAROQLI SAFARDAN QUVVAT OLDIK


Prezidentimizning Farmon va qarorlari bilan “Özbekiston böylab sayohat qil!” şiori ostida öquvçi va talabalar, mehnat faxriylari, işçi-xizmatçilar, mahallalar faollari va barça aholi qatlami uçun mamlakatimiz böylab maroqli sayohatlarga çiqiş imkoni yaratildi, sayyohlik firmalariga va sayohatga çiquvçilarga qator imtiyozlar berildi. Ana şu qulaylik va imkoniyatlar bizni Navröz bayrami kunlarida mamlakatimizning tarixiy, madaniy-maʼrifiy hamda ekologik hududlari tomon sayohatga çorladi.
Joriy yilning 19-22-mart kunlari mamlakatimizning tarixiy Samarqand va Buxoroi Şarif şaharlari böylab sayohatga çiqqan ijodkor-jurnalistlar qadim va hamişa navqiron şaharlarning osori atiqalari ila uyğunlaşib taraqqiy etgan bugungi jamolidan çeksiz bahra oldilar.
Dastlab daryo tölqinlarini eslatuvçi ziyoratçilar oqimiga qöşilib, muhtaram Birinçi Prezidentimizning ruhi mangu orom topgan makonga qadam qöydik. Tumonat izdihom içra Islom Karimov maqbarasi qarşisida taʼzim qilarkanmiz, ming-minglab yurtdoşlarimizni bu tabarruk maskanga eltgan samimiyat taftini butun vujudimiz ila his etdik, göyo.
Aql-zakovatda, malohatda benazir malika – uluğ sohibqiron Amir Temur hazratlarining zavjalari – Bibixonim – Saroy Mulk Xonim şarafiga sohibqiron bobomiz tomonidan bunyod etilgan mahobatli madrasa va Bibixonim maqbarasida bir zum sukut saqlab, yana uluğlar haqiga tilovatlar qildik.
Registon maydonidan ötib, yengilmas sarkarda, buyuk Amir Temur maqbarasi tomon yuzlandik. Göyo uluğ zotning salobati bosgan kabi bu yerda hozir bölgan ziyoratçilar ohista, sassiz qadam taşlaydilar. Temurşohning qabri ustiga qurilgan naqşinkor qubbali gumbaz va maqbara bilan qabr oraliğida ajib nur! Göyo bu nur ötmiş bilan bugungi dorilomon zamon osmonini tutaştirib turgan kabi sirli.
Şahar köçalarini yayov kezgan sari dillar poklanib, köngillar yayraydi. Ilmi-nu-jum pir-u komili Uluğbek rasadxonasi ziyoratidan qalblar yanada tozardi, aqlimiz ravşanlaşdi.
Navrözi ayyom şodiyonalarini samarqandliklar va minglab mehmon-u sayyohlar, ziyoratçilar bilan nişonladik. Quyoş hamal burjiga kirayotgan 20-mart kuni keçqurun jamoamiz bilan Hazrati Dovud (a.s) ziyoratgohiga yetib keldik. Sölim va musaffo toğ havosi yöl çarçoqlaridan bizni foriğ etib, ruhitanimiz orom topdi.
Erta tongdan toğ boşiga oşiqdik. 1274 ta zinadan ohista yuqoriga kötarilişni boşladik. Heç kim: “men bu zinalardan, çiqa olmayman”, demadi. Keksa-yu yoş zinalarni bir-bir bosib, çarçoqni unutib, tobora yuqori kötarildilar...
***
Köhna Buxoro. Minorai Kalon, dunyoga maşhur allomalar zakovatini çarxlagan Mir Arab madrasasi, bir vaqtning özida minglab namozxonlar ibodat qilişga qodir jomʼe masjidi va köplab tarixiy inşootlar bilan tanişgaç, Ark tomon yönaldik. Ark – Buxoroi şarif içra şaharça. Hamon qadimiy gözal salobatini yöqotmagan köhna Ark darvozasiga yaqinlaşarkanmiz, hamrohimiz, bizni Buxoroi şarif obidalari tarixi va buguni bilan taniştirayotgan tarixçi-gid Zohirjon:
– Qarang, buxoroliklarning keçki Navröz sayli boşlanayotir, – dedilar.
Haqiqatan ham Ark darvozasi oldidagi maydon yorqin çiroqlar yoğdusida yanada gözal qiyofa kasb etgan, sahnada Buxoro yoşlari ijrosidagi bayramona kuy-u qöşiqlar avjida edi. Faqat buxoroliklarga xos biri-biridan gözal liboslar kiyib, yasangan yoşlar, keksalar davrasida keçki Navröz saylida iştirok etdik. Garçi keç kirib qolgan bölsa-da, Ark içkarisiga kirişimizga ruxsat berişganidan, bu yerda viloyatlardan kelgan ziyoratçilar uçun barça şaroitlar muhayyoligidan xursand bölib, Arkni aylandik. Buxoroning sönggi hukmdori Amir Olimxon taxti, Ark xonaqohlari, masjidini tomoşa qildik. Buxoro köçalarini çaroğon aylab, köngillarga xotirjamlik, quvonç baxş etib turgan rangin çiroqlar yoğdusida keçki Navröz sayli tantanalaridan olam-olam bahra oldik.
Nihoyat... köngillarimiz osmon qadar yuksaldi. Ona yurt jamolidan, jannatmakon boğ-u çamanlar, purviqor toğlar havosidan vujudimiz tozardi. Qadim Buxoroi şarif bilan xayrlaşdik.
Albatta, Özbekiston böylab sayohatni Alloh ravo körgan yana bir qutluğ kunda yana va yana davom ettirişni niyat qildik. Va ... Beş kunlik hordiq, maroqli sayohatdan söng xuş kayfiyat bilan ijodga şönğidik.
Manğitdan nariga bir qadam qöyib,
Ona yurt havosin simirdik töyib.
Aslida eng avval Vatanni suyib,
Vatanni tanimoq uluğ saodat,
Va qalbni poklamoq–qutluğ ibodat!
Azizlar, avvalo el-yurtga taʼzim –
Otaga taʼzimdir, onaga taʼzim.
Ahli odam uçun eng uluğ, azim,
Aziz Vatan deya qiling qiroat,
Har zarra tuproğin eting ziyorat!
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶