Amudaryoda Prezidentning Oliy Majlisga murojaatnomasi oʻrganilmoqda (+video)
Muhtaram Prezidentimizning mamlakatimiz tarixida ilk bor 2017-yil 22-dekabrdagi Oliy Majlisga qilgan Murojaatnomasi butun yurtimiz fuqarolarining koʻnglini toʻlqinlantirdi, ertagi kunga ishonchini yanada mustahkamladi, shu aziz goʻshamizning obodligi, farovonligi yoʻlida fidoyi mehnat qilish ishtiyoqini kuchaytirtirdi.
Ayni kunlarda ham Murojaatnoma xalqimiz tomonidan oʻqib oʻrganilmoqda, qizgʻin qoʻllab-quvvatlanmoqda.
Shu yilning 5-6-yanvar kunlarida tumanimizning barcha hududlarida yurtboshimizning Oliy Majlisga Murojaatnomasi va Oʻzbekiston Pespublikasi Konstitutsiyasi qabul qilinganining 25-yilligiga bagʻishlangan tantanali marosimdagi maʼruzasining mazmun-mohiyatini keng targʻib qilish yuzasidan sseminar-treninglar oʻtkazildi.
Ilk seminar-trening Mangʻit shahrining Oybek, Boʻston, Navoiy nomli, Chordara, Durunki, Boyovul mahallalari fuqarolari va faollarini qamragan holda 9-sonli Bolalar musiqa va sanʼat maktabi tomoshalar zalida boʻlib oʻtdi.
Shuningdek bunday tadbirlar Mangʻit qishloq xoʻjalik kasb-hunar kollejida, Mangʻit Iqtisodiyot kollejida, Agrobiznes kasb-hunar kollejida, Amudaryo transport kasb-hunar kollejida, Melioratsiya va suv xoʻjaligi kasb-hunar kollejida, Qilichboy ovul fuqarolar yigʻini majlislar xonasida, Doʻrman qishloq xoʻjalik kasb-hunar kolleji majlislar xonasida ham boʻlib oʻtdi.
Zamonaviy axborot texnologiyalari vositasida oʻtkazilgan seminar treninglarda “Mahalla” xayriya jamoat fondi tuman boʻlimi, “Maʼnaviyat va maʼrifat” markazi masʼul xodimlaridan tashqari Nukus Davlat pedagogika instituti oʻqituvchilari Oʻrinboy Yusupov, Asqar Abatov, shuningdek Toshkent Toʻqimachilik va yengil sanoat instituti oʻqituvchisi Pavshan Isayevlar ishtirok etishib, mazmunli va maroqli maʼruzalar qildilar.
Seminar –treninglarda ishtirok etgan ovul va mahallalar faollari oʻzlarini qiziqtirgan savollarga maʼruzachilardan javoblar oldilar.
Oʻtkazilgan tadbirlar fuqarolarning ijtimoiy-siyosiy faolligini oshirishda muhim qadam boʻldi.
Oygul PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
