OʻZBOShIMChALIK BILAN IMORATLAR QURISh QONUNGA MUVOFIQ TAʼQIQLANADI
Oʻzbekiston Respublikasida yer bilan bogʻliq munosabatlar Oʻzbekiston Respublikasi Konstitutsiyasi, 1998-yil 30-aprelda qabul qilingan Yer Kodeksida koʻrsatilgan
qoidalar bilan tartibga solinadi.
Oʻzbekiston Respublikasi Yer Kodeksining 1-moddasida: "Yer umum milliy boylikdir, Oʻzbekiston Respublikasi xalqi hayoti, faoliyati va farovonligining asosi sifatida undan oqilona foydalanish zarur va u davlat tomonidan muhofaza qilinadi” deyilgan. Afsuski, tumanimiz aholisi orasida yer bilan bogʻliq muammo va tushunmovchiliklar koʻp uchraydi.
Fuqarolik ishlari boʻyicha tuman sudining 2015-2016 yillarda, 2017-yilning 6 oyi davomida noqonuniy turar joy va qoʻshimcha qurilish qurish bilan bogʻliq 13 fuqarolik ishi qoʻrilib, shundan 12 ish qanoatlantirildi. Asosan bu toifadagi ishlarda fuqarolar tomonidan uy-joy qurish uchun tuman hokimligining ruxsatisiz qurilish amalga oshirilganligi aniqlanmoqda.
Oʻzbekiston Respublikasi Yer Kodeksining 27-moddasida shaharlar va posyolkalarda, shuningdek qishloq xoʻjaligi hamda oʻrmon xoʻjaligi korxonalari, muassasalari va tashkilotlarining egaligidagi yerlar tarkibiga kirmagan qishloq aholi punktlarida doimiy yashab turgan Oʻzbekiston Respublikasi fuqarolariga yakka tartibda uy-joy qurish va uy-joyni obodonlashtirish uchun meros qilib qoldiriladigan, umrbod egalik qilishga qonun hujjatlarida belgilangan tartibda har bir oilaga 0,06 gektargacha yer uchastkalari beriladi.
Yakka tartibda uy-joy qurish uchun 0,04 gektargacha doirada yer uchastkalariga meros qilib qoldiriladigan, umrbod egalik qilish huquqi belgilangan tartibda kimoshdi savdosi asosida realizatsiya qilinadi. Lekin shunga qaramasdan fuqarolar tomonidan ruxsatsiz, kim oshdi savdosiga qoʻyilmagan yer uchastkalariga uy-joy va imorat qurganliklari aniqlanmokda.
Oʻzboshimchalik bilan imorat qurgan shaxs unga mulk huquqini ololmaydi. Bu shaxs qurgan imoratini tasarruf etishga – sotishga, hadya etishga, ijaraga berishga, imoratga nisbatan boshqa bitimlar tuzishga haqli emas.
Oʻzbekiston Respublikasi Yer Kodeksining 91-moddasiga koʻra oʻzboshimchalik bilan egallab olingan yer uchastkalari ularga gʻayriqonuniy ravishda egalik qilingan va foydalanilgan vaqtda qilingan sarf-xarajatlar qoplanmagan tarzda tegishliligiga koʻra qaytariladi.
Biz yaqinda Qilichboy OFYda ovul aholisi bilan ochiq muloqot oʻtkazib, bu borada amal qilinishi lozim boʻlgan qonun-qoidalarni keng miqyosda tushuntirdik, aholini qiziqtirgan savollarga javoblar berdik. Amaliyotlar fuqarolarning yer bilan bogʻliq koʻpgina muammolari, nizolari sohaga doir qonunchilikni yaxshi bilmasligidan ekanligini koʻrsatmoqda. Endilikda bu borada tushuntirish-targʻibot ishlarini yanada koʻpaytirishga harakat qilamiz.
Joldasbay Keunimjayev, fuqarolik ishlari boʻyicha tuman sudi raisi.
(Foto - http://www.norma.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
