Amudaryo tumani mahalliy byudjetining 2017-yil birinchi yarim yilligidagi ijrosi toʻgʻrisida

Xalq deputatlari Amudaryo tuman Kengashi QARORI

Amudaryo tumani mahalliy byudjetining 2017-yil birinchi yarim yilligidagi ijrosi toʻgʻrisida

Amudaryo tumani hokimligi tomonidan taqdim etilgan tuman mahalliy byudjetining 2017-yil I yarim yillik ijrosi toʻgʻrisidagi hisobotini koʻrib chiqib Oʻzbekiston Respublikasi Byudjet kodeksining 27-moddasiga muvofiq tuman xalq deputatlari Kengashi QAROR QILADI:

1. Amudaryo tumani hokimligi tomonidan taqdim etilgan Amudaryo tumani mahalliy byudjetining 2017-yil I yarim yillik ijrosi toʻgʻrisidagi hisobot maʼlumot uchun qabul qilinsin.

2. Tuman mahalliy byudjetining 2017-yil I yarim yillik daromadlar qismining ijrosi 1-ilovaga va xarajatlar qismining ijrosi 2-ilovaga muvofiq tasdiqlansin.

3. Amudaryo tuman hokimining birinchi oʻrinbosari M.Temirbayevga, tuman moliya boʻlimi mudiri vaqtincha vazifasini bajaruvchi B.Kamolovga, tuman Davlat soliq inpektsiyasi boshligʻi J.Oʻrazimbetovga va tuman Gʻaznachilik boʻlinmasi boshligʻi U.Tairovga:

- byudjet daromadlarining prognoz koʻrsatkichlarini toʻligʻi bilan bajarib borish boʻyicha zarur choralarni koʻrish, shuningdek yil davomida tushumlari pasayib ketgan soliq turlari boʻyicha chuqur tahlillar olib borib, bu sohada soliq yigʻish darajasini oshirishga aloxida eʼtibor qaratish;

- aholining turmush darajasini oshirishga yoʻnaltirilgan ijtimoiy xarajatlarning oʻzlashtirib borilishini taʼminlash, shu jumladan, kam taʼminlangan va koʻp bolali oilalarni ijtimoiy qoʻllab-quvvatlashga yoʻnaltirilgan chora-tadbirlarni amalga oshirish;

- mahalliy byudjetning xarajatlar qismi boʻyicha belgilangan koʻrsatkichlarini toʻliq va oʻz vaqtida bajarilishini taʼminlash va ajratilgan byudjet mablagʻlarining natijadorligiga erishilmayotgan byudjet muassasalarini qisqartirish yuzasidan tuman hokimligiga takliflar kiritib borish vazifalari topshirilsin.

4. Ushbu qarorning bajarilishini nazorat qilish xalq deputatlari tuman Kengashining mahalliy byudjetni shakllantirish va uni ijro etish, iqtisodiy islohatlarni amalga oshirish hamda tadbirkorlikni rivojlantirish masalalari boʻyicha doimiy komissiya raisi M.Kazakov zimmasiga yuklatilsin.

Xalq deputatlari Amudaryo tuman Kengashi raisi:        S.Yoʻldashev

2017-yil 29-iyul,

№ 131/35-05