Tuman qishloq xoʻjaligi: yarim yillikdagi yuqori natijalar
Qishloq xoʻjaligi — tuman iqtisodiyotining asosiy va harakatlantiruvchi kuchlaridan biri boʻlib, bu borada amalga oshirilayotgan tizimli ishlar oʻz natijasini bermoqda.
Joriy yilning 1-iyul holatiga koʻra, tumanimizda parvarishlanayotgan chorva mollari va parrandalar sonida sezilarli darajada oʻsish kuzatildi. Xususan, yirik shoxli qoramollar bosh soni 145 ming 800 taga yetgan boʻlib, shundan 38 ming 800 boshini sigirlar tashkil etadi. Shuningdek, tuman xoʻjaliklarida 60 ming 400 bosh qoʻy va echkilar, 600 bosh otlar hamda 1 million 88 ming boshdan ortiq parrandalar boqilmoqda.
Fermer xoʻjaliklari tomonidan 2026-yilning yanvar-iyun oylari davomida yetishtirilgan asosiy turdagi qishloq xoʻjaligi mahsulotlari hajmi ham salmoqlidir. Dastlabki yarim yillikda 49 ming 613,3 tonna bugʻdoy oʻrib olindi. Bundan tashqari, mirishkor dehqonlarimiz tomonidan 2 828,2 tonna kartoshka, 9 882,1 tonna sabzavot, 4 505,4 tonna poliz ekinlari, 2 675,3 tonna meva va rezavorlar hamda 322,0 tonna uzum hosili yigʻishtirib olindi.
Chorvachilik mahsulotlarini ishlab chiqarish yoʻnalishida esa tirik vaznda 382,2 tonna goʻsht, 2 245,9 tonna sut, 3 769,4 ming dona tuxum, shuningdek, 7,3 tonna jun tayyorlandi.
Ushbu barcha statistik koʻrsatkichlar tumanimizda agrar soha, xususan, qishloq xoʻjaligi tarmogʻi jadal surʼatlar bilan kengayib, izchil rivojlanib borayotganidan dalolat beradi.
Nurjamol Toʻliboyeva, tuman Statistika boʻlimi yetakchi mutaxassisi
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
