9-sonli bolalar musiqa va sanʼat maktabida hisobot kontserti bölib ötdi

Sanʼat va musiqa inson ruhiyatini poklab, uning qalbida gözallikka bölgan muhabbatni uyğotuvçi beqiyos kuçdir. Aynan şu sehrli olamga qadam qöygan yoş isteʼdodlar yurtimizning ertangi madaniy qiyofasini yaratadilar, milliy merosimizni butun dunyoga tarannum etadilar. Bölajak madaniyat va sanʼat namoyandalari taʼlim olayotgan Amudaryo tumanidagi 9-sonli bolalar musiqa va sanʼat maktabida 2025-2026 öquv yilining muvaffaqiyatli yakunlanişi munosabati bilan hisobot kontserti taşkil qilindi.

Hisobot kontsertida Amudaryo tumani hokimi Sobir Xöjametov iştirok etib, 9-sonli Bolalar musiqa va sanʼat maktabi jamoasini, barça öqituvçi va öquvçilarni joriy öquv yilida qölga kiritilgan yutuqlar, erişilgan yuksak natijalar bilan çin dildan tabrikladi.

Aytiş joizki, bugungi kunda mazkur maktabda jami 194 nafar öğil-qiz sanʼat sirlarini qunt bilan örganmoqda. Ularning orasidan 27 nafar bitiruvçi joriy öquv yilida muassasani muvaffaqiyatli tamomlab, katta hayot sari özlarining dastlabki qadamlarini taşlamoqdalar.

Uşbu ijod maskanining taşkil qilinganiga 60-yilga yaqin vaqt böldi. 1968-yilda asos solingan maktab dastlabki yillarda faqatgina musiqa yönalişida iqtidorli bolalarni tarbiyalaşga ixtisoslaşgan edi. Yillar ötişi bilan muassasa öz kölamini kengaytirib, sanʼatning turli sohalarini ham qamrab oldi. 1990-yilda bino qayta qurilib, Hamza nomidagi musiqa maktabi maqomida faoliyatini davom ettirdi.

Mamlakatimizda yoş avlodning madaniyat va sanʼat sohasidagi taʼlimiga qaratilayotgan yuksak eʼtibor va ğamxörlik natijasida 2015-yilda maktab binosida keng kölamli rekonstruktsiya işlari amalga oşirildi. Natijada, butunlay yangi qiyofa kasb etgan muassasada eng sönggi talablarga javob beradigan zamonaviy öquv xonalari, keng va yoruğ maşq zallari hamda haqiqiy ijodiy muhit yaratildi. Bunday keng imkoniyatlar yoşlarning öz ustida muntazam işlaşiga, katta sahnalar sari dadil qadam taşlaşiga bevosita xizmat qilmoqda.

Bugungi kunda maskanda öquv jarayonlari jami 10 ta asosiy yönaliş böyiça tizimli ravişda olib borilmoqda. Jumladan, fortepiano, xalq çolğulari, estrada çolğulari, anʼanaviy xonandalik, baxşiçilik, tasviriy sanʼat, xoreografiya, estrada xonandaligi, anʼanaviy ijro hamda amaliy sanʼat sinflarida öquvçilarning ijodiy tafakkuri va estetik didi şakllantirilmoqda, ularning içki dunyosi boyitilmoqda. Bu masʼuliyatli va şarafli vazifani öz kasbining fidoyisi bölgan 36 nafar pedagoglar amalga oşirib kelmoqda. Ularning 19 nafari oliy maʼlumotli mutaxassislar bölsa, 17 nafari maxsus musiqa va sanʼat kollejlarini tamomlagan tajribali ustozlardir. Pedagoglar doimiy ravişda tasdiqlangan reja-jadvallar asosida malaka oşiriş markazlarida hamda sanʼat maktab-internatlarida öz kasbiy mahoratlarini, nazariy va amaliy bilimlarini muntazam oşirib bormoqdalar.

Hisobot kontserti davomida fidoyi öqituvçilar va faol öquvçilarga Bolalar musiqa va sanʼat maktabining faxriy yorliqlari va esdalik sovğalari topşirildi. Maktab direktori Töliboy Hayitboyev, tuman Madaniyat bölimi boşliği Murod Ibragimov va maktab faxriysi Yöldoş Abdalovlar öquvçilarni yana bir öquv yilining muvaffaqiyatli yakuni, bitiruvçilarni esa katta hayotga qadam qöyayotgani bilan tabriklab, kelgusi işlarida omad va muvaffaqiyatlar tiladilar.

Mazkur taʼlim muassasasi öquvçilari turli milliy va xalqaro körik-tanlovlarda yuqori natijalarni qayd etib, joriy öquv yilini muvaffaqiyatli yakunlamoqdalar. Jumladan, "Khiva Art Fest – 2025" hamda "Zamin yulduzlari – 2026" xalqaro tanlovlarida jami 10 nafar öquvçi Gran-pri mukofotini, 23 nafar öquvçi 1-örinni, 18 nafar öquvçi 2-örinni va 14 nafar öquvçi 3-örinni qölga kiritdi. "Orolim ovozi – 2026" körik-tanlovida esa 11 nafar öquvçi Gran-pri, 21 nafar öquvçi 1-örin, 10 nafar öquvçi 2-örin va 4 nafar öquvçi 3-örin sohibi böldi. Şu bilan birga, "Yoşlar ovozi" tanlovining Qoraqalpoğiston Respublikasi bosqiçida 2 nafar öquvçi 2-örinni band etdi.

Birgina ötgan may oyida erişilgan muvaffaqiyatlarni sanab ötsak: Jizzax şahrida bölib ötgan "Zamin yulduzlari – 2026" xalqaro körik-tanlovida maktabning "Tasanno" raqs dastasi xoreografiya yönalişi böyiça eng oliy mukofot – Gran-pri sohibiga aylandi. Yakka raqs ijroçiligida esa Şahrizoda Gulmirzoyevva 3-örinni qölga kiritdi. Anʼanaviy xonandalik yönalişida "Amu yulduzlari" maqomçilar ansambli, şuningdek, Asadbek Jumaboyev va Abbos Bahramovlar mutlaq ğolib deb topilib, 1-öringa sazovor böldi. Behruz Sergeyev hamda Temur Tirkaşevlar 2-örinni, Sardor Köklanov esa 3-örinni qölga kiritişdi. Estrada xonandaligi yönalişida Sunnatillo Kenjaboyev va Sarvar Gulmirzoyev 3-örin sovrindorlari qatoridan joy oldi.

Xalq çolğulari yönalişida "Guldasta" dutorçilar ansambli, Ilyos Mahmudov, Izzat Anvarov, Amirxon Alimboyev hamda Diyorbek Baymuradovlar 1-örinni egallaşdi. Diyorbek Boltoboyev, Qadam Şaripov, Diyorbek Gulmanov, Azizbek Ernafasov, Farmonbek Yunusov hamda Asaloy Yusupova va Ilyos Mahmudovlar dueti faxrli 2-öringa munosib körildi. Ravşan Gulmirzoyev, Behruz Ahmadjonov, Diyorbek Sultonboyev, Nurhosil Kengaşboyev va Abdulla Baxtiyorovlar 3-örin sovrindorlariga aylangan bölsa, fortepiano yönalişida Aslzoda Yöldoşev 1-örin sohibi böldi.

Bu kabi yutuqlari bilan Amudaryo tumanidagi 9-sonli bolalar musiqa va sanʼat maktabi öquvçilari mazkur taʼlim dargohi nomini butun respublika va xalqaro maydonlarda baland jaranglatib, özbek milliy madaniyati va sanʼatining ertangi kuni naqadar işonçli qöllarda ekanligini isbotladilar. Ularning zafarli yurişlari heç qaçon töxtamasligiga, sanʼat çöqqilarini zabt etişda doimo peşqadam bölişlariga tilakdoşmiz!