Mahalliy Kengaş deputatlarining faolligi oşmoqda

Mamlakatimizda sönggi yillarda demokratik islohotlarni çuqurlaştiriş, xalq hokimiyatçiligini tölaqonli taʼminlaş hamda davlat boşqaruvini aholi manfaatlariga xizmat qiluvçi tizimga aylantiriş borasida izçil çora-tadbirlar amalga oşirilmoqda. Bu jarayonda xalq deputatlari mahalliy Kengaşlarining örni va ahamiyati sezilarli darajada ortib bormoqda. Ayniqsa, hududlarni ijtimoiy-iqtisodiy rivojlantiriş, aholini ijtimoiy himoya qiliş, joylardagi muammolarni öz vaqtida aniqlaş va bartaraf etişda mahalliy Kengaşlar deputatlarining faolligi kuçaymoqda.

Sönggi yillarda qabul qilingan qonun hujjatlari mahalliy Kengaşlarning nazorat funktsiyalarini kuçaytirişga qaratildi. Xususan, mahalliy darajada davlat organlari rahbarlarining hisobdorligi belgilab qöyilib, ularning öz faoliyati yuzasidan xalq vakillari oldida muntazam hisobot berib borişi yölga qöyildi.

Bugungi kunda prokuratura, adliya, içki işlar, moliya, soliq, ekologiya va soğliqni saqlaş organlari rahbarlarining mahalliy Kengaşlar oldida hisobot beriş amaliyoti joriy etilgan bölib, bu orqali davlat organlari faoliyatining oçiqligi va şaffofligi taʼminlanmoqda. Şu bilan birga, aholini qiynab kelayotgan muammolarni hal etişda deputatlik sörovlari institutining ahamiyati yanada ortmoqda.

Xalq deputatlari Amudaryo tuman Kengaşi ham uşbu islohotlarni amalga oşirişda faol iştirok etib kelmoqda. Tuman Kengaşi tarkibi 25 nafar deputatdan iborat bölib, ular joylarda aholining manfaatlarini ifoda etiş va himoya qiliş yölida izçil faoliyat olib bormoqda. Şu kunga qadar Kengaş tomonidan 17 ta sessiya ötkazilib, ularda jami 145 ta masala körib çiqildi hamda tegişli qarorlar qabul qilindi.

Sessiyalarda asosiy eʼtibor aholini qiynab kelayotgan muammolarni muhokama qiliş, ularning yeçimini topiş va ijrosini nazorat qilişga qaratildi. Şu maqsadda deputatlar tomonidan joylarda 239 marotaba aholi bilan uçraşuvlar taşkil etildi. Uşbu uçraşuvlarda turli sohalarda faoliyat yurituvçi tegişli taşkilot va idoralar rahbarlarining 38 ta hisoboti hamda 13 ta axboroti tinglandi. Uçraşuvlar davomida aniqlangan muammolarni bartaraf etiş uçun masʼul taşkilotlarga 86 ta deputat sörovlari yuborildi.

Deputat — bu xalq vakili, xalq dardini tinglab, uni yeçiş yölida amaliy çoralar köruvçi şaxsdir. Şu maʼnoda, Xalq deputatlari Amudaryo tuman Kengaşiga 3-Döstlik saylov okrugidan saylangan deputat Madamin Kazakovning faoliyati eʼtiborga molikdir. U tuman Kengaşida Mahalliy byudjet, tadbirkorlikni rivojlantiriş va iqtisodiy islohotlar masalalari böyiça doimiy komissiya raisi sifatida samarali faoliyat olib bormoqda.

Madamin Kazakov öz deputatlik faoliyati davomida aholini qiynab kelayotgan muammolarni bartaraf etiş maqsadida masʼul taşkilotlarga 7 ta deputat sörovlari kiritgan. Uşbu sörovlar asosida bir qator ijobiy natijalarga erişilgan. Jumladan, aholi bilan uçraşuvlardan birida Farovon mahallasi aholisini taşvişga solib kelayotgan oqava suv tizimini yaxşilaş hamda köprik quriş masalasi kötarilgan edi. Deputat tomonidan mazkur muammolar tegişli davlat taşkilotlariga yönaltirilib, natijada muammolarga ijobiy yeçim topildi. Ayni paytda Yangiobod mahallasidan Farovon mahallasiga kiriş joyidagi zovurga örnatilgan talabga javob bermaydigan temir köprik buzilib, mustahkam köprik qurilmoqda. Bu işlarda aholining hissasi ham katta bölmoqda.

Bu kabi işlar xalq deputatlari mahalliy Kengaşlarining aholi hayotidagi ahamiyatini yanada oşirib, davlat organlari faoliyatini xalq manfaatlariga yönaltirişda muhim omilga aylanmoqda. Mahalliy Kengaşlar faoliyatini yanada takomillaştiriş esa yurtimizda demokratik islohotlarning izçil davom etişini taʼminlaydi.

Zero, “Özbekiston — 2030” strategiyasida belgilangan ustuvor vazifalar mahalliy davlat hokimiyati vakillik organlarini xalqning haqiqiy “ovozi”ga aylantirişni taqozo etmoqda. Uşbu strategik maqsadlar mahalliy ijro etuvçi hokimiyat organlari faoliyatini tubdan transformatsiya qiliş, hududiy boşqaruvni “aholi manfaatlariga xizmat qiliş” tamoyili asosida yölga qöyişni talab etadi. Xalq deputatlar Amudaryo tuman Kengaşi deputatlarining faoliyati uşbu yönalişda mahalliy Kengaşning faol, taşabbuskor va masʼuliyatli pozitsiyani egallaganidan dalolat beradi.

Şu örinda aytiş kerakki, yangi tahrirdagi Özbekiston Respublikasi Konstitutsiyasida mahalliy davlat hokimiyati vakillik organlari hamda ijro etuvçi hokimiyat organlari vakolatlarining aniq belgilab qöyilişi, mahalliy Kengaş raisi va hokim lavozimlarining bir-biridan ajratilgani ham hokimiyatlar bölinişiga oid konstitutsiyaviy tamoyilning mahalliy darajada tölaqonli amalga oşirilişiga xizmat qilmoqda. Bu esa mahalliy Kengaşlarning mustaqilligini oşirib, ularning aholi manfaatlarini himoya qilişdagi rolini kuçaytirmoqda.