Taʼlim sifati va yuksak natijalar uyğunligi: 18-sonli maktab faoliyati haqida

Mamlakatimizda amalga oşirilayotgan keng kölamli islohotlarning tub mohiyatida taʼlim tizimini rivojlantiriş, yoş avlodga zamonaviy bilim va tarbiya beriş, ularni vatanparvarlik ruhida kamol toptirişdek ezgu maqsadlar mujassam. Zero, Yangi Özbekistonning poydevori bilimli, salohiyatli va har tomonlama barkamol yoşlar tomonidan bunyod etiladi.

Respublikamizning barça hududlarida bölgani kabi Amudaryo tumanida ham yoşlarning sifatli taʼlim olişi uçun barça zarur şaroitlar yaratilmoqda. Tuman Maktabgaça va maktab taʼlimi bölimiga qaraşli, Jayhun ovuli hududida joylaşgan 18-sonli umumiy örta taʼlim maktabi ham ana şunday ilğor taʼlim dargohlaridan biridir.

1990-yilda öz faoliyatini boşlagan va ötgan yillar davomida minglab öğil-qizlarga hayot yöllanmasini bergan uşbu maktab bugungi kunda ham zamon talablariga töliq javob beradigan, moddiy-texnik bazasi mustahkam va yuqori ilmiy salohiyatga ega ziyo maskani sifatida faoliyat yuritib kelmoqda.

Taʼlim muassasasining yutuqlari, avvalo, unda faoliyat yuritayotgan jamoaning ahilligi va pedagoglarning kasbiy mahorati bilan belgilanadi. Ayni paytda maktabda jami 70 nafar xodim mehnat qilayotgan bölsa, ularning 50 nafarini öz kasbiga sodiq, fidoyi pedagoglar taşkil etadi.

Ustozlar jamoasining sifat tarkibiga nazar taşlaydigan bölsak, bu yerda tajriba va yoşlik şijoati uyğunlaşganini köriş mumkin. Xususan, pedagoglarning 9 nafari oliy toifali, 17 nafari esa birinçi toifali öqituvçilar ekanligi taʼlim jarayonining yuqori saviyada taşkil etiş imkoniyatidan dalolat beradi. Bundan taşqari, sönggi yillarda öqituvçilarning öz ustida işlaşi, xalqaro va milliy darajadagi sertifikatlarni qölga kiritişi böyiça ham maktabda ibratli işlar yölga qöyilgan. Hozirgi kunda jamoaning 11 nafar aʼzosi nufuzli xalqaro va milliy sertifikatlarga ega bölib, bu körsatkiç taʼlim sifatining yanada yuksalişiga xizmat qilmoqda. Aynan şunday izlanuvçanlik va kasbiy mahorat evaziga maktabning pedagog kadrlar salohiyati Amudaryo tumanidagi taʼlim muassasalari örtasida yuqori örinlarda turadi.

Malakali pedagoglarning saʼy-harakatlari natijasida maktab öquvçilari fan olimpiadalari va sport musobaqalarida salmoqli yutuqlarni qölga kiritib kelmoqdalar. Ilmga çanqoq yoşlar nafaqat tuman, balki respublika miqyosida ham öz bilim va iqtidorlarini namoyiş etişmoqda. Xususan, maktabning iqtidorli öquvçilaridan biri Sevinçoy Karimova ona tili va adabiyot fani böyiça erişgan natijalari bilan tengdoşlariga örnak bölayotgan bölsa, Sojida Bozorboyeva geografiya fanidan özining çuqur bilimini namoyon etib kelmoqda. Şuningdek, yana bir faol öquvçi Ozodbek Rajapov sportning aql gimnastikasi hisoblangan şaşka turi böyiça respublika bosqiçida yuqori natijalarni qayd etib, maktab şarafini munosib himoya qildi. Bu kabi yutuqlar zamirida ustozlarning tinimsiz mehnati va öquvçilarning öz oldiga qöygan yuksak maqsadlari sari dadil intilişi mujassam.

Taʼlim dargohida öquvçilarning böş vaqtlarini mazmunli taşkil etiş, ularni kasb-hunarga yönaltiriş va isteʼdodlarini röyobga çiqariş maqsadida turli fan tögaraklari ham muntazam faoliyat yuritmoqda. Darsdan taşqari maşğulotlarda öquvçilar özlari qiziqqan fanlar böyiça qöşimça bilim oliş bilan birga, ijodiy qobiliyatlarini ham rivojlantirmoqdalar.

Xulosa qilib aytganda, Jayhun ovulidagi 18-sonli umumiy örta taʼlim maktabi bugungi kunda çinakam maʼrifat öçoğiga aylangan. Bu yerda taʼlim va tarbiya uyğunligi taʼminlanib, bilimli, iqtidorli va dunyoqaraşi keng bölgan barkamol avlodni voyaga yetkaziş yölida maktab jamoasi tomonidan izçil va tizimli işlar amalga oşirilmoqda.