Kuyuk koʻpirda sayyor qabul samarali yechimlar bilan yakunlandi
Aholi muammolarini chuqur oʻrganish, ularni joyida tinglash va tezkor yechimlar topish maqsadida Amudaryo tumani hokimi Sobir Xoʻjametovning fuqarolar murojaatlari yuzasidan navbatdagi sayyor qabuli Kuyuk koʻpir ovulida boʻlib oʻtdi.
Mazkur ochiq muloqotda tuman hokimi oʻrinbosari Nodirbek Kamolov, xalq deputatlari tuman kengashi deputatlari, tashkilot va boʻlimlar rahbarlari hamda masʼul xodimlar, shuningdek, Kuyuk koʻpir ovuli va Boʻzyop mahallasi aholi vakillari faol ishtirok etdi.
Sayyor qabul Kuyuk koʻpir OFY binosida tashkil etilib, unda tuman hokimi soʻzga chiqib, joriy yil mobaynida tumanda barcha sohalarda amalga oshirilgan keng koʻlamli islohotlar, erishilgan natijalar hamda kelgusi yil uchun belgilangan ustuvor maqsad va rejalar haqida atroflicha toʻxtalib oʻtdi. Ayniqsa, aholi muammolarini hal etish, fuqarolar murojaatlariga oʻz vaqtida va manzilli yondashish davlat siyosatining muhim yoʻnalishi ekanligi alohida taʼkidlandi.
Qabul jarayonida fuqarolardan turli yoʻnalishlarda murojaatlar kelib tushdi. Xususan, farzandining oliy taʼlim muassasasida oʻqishini davom ettirishi uchun shartnoma toʻlovida amaliy yordam berish, koʻcha yoʻllariga shagʻal va tosh yotqizish, moddiy yordam olishga koʻmaklashish, elektr energiyasi kuchlanishi pastligi sababli transformatorni almashtirish, nogironligi boʻlgan yaqiniga qarovchi biriktirib berish, ishga joylashish, koʻmir mahsulotlarini xarid qilishda yordam berish kabi masalalar yuzasidan murojaatlar bildirildi.
Shuningdek, ijtimoiy himoyaga muhtoj fuqarolar tomonidan quyosh panellarini oʻrnatishga koʻmaklashish, tadbirkorlik faoliyatini yoʻlga qoʻyish uchun imtiyozli kredit ajratish, kadastr hujjatlarini rasmiylashtirish, ichki koʻchalarga tosh yotqizish masalalari koʻtarildi. Taʼlim sohasi boʻyicha esa 14-sonli umumtaʼlim maktabiga sport zali qurib berish, 19-sonli umumtaʼlim maktabiga qoʻshimcha bino barpo etish, shuningdek, hududda davlat maktabgacha taʼlim tashkiloti qurish taklif va murojaatlari ilgari surildi.
Sayyor qabul davomida har bir murojaat masʼullar ishtirokida atroflicha oʻrganilib, ayrim masalalar joyida hal etildi. Qoʻshimcha vaqt va mablagʻ talab etadigan murojaatlar boʻyicha esa aniq ijro muddati belgilandi hamda masʼul tashkilotlarga tegishli topshiriqlar berildi.
Bunday sayyor qabullar aholi va rahbarlar oʻrtasidagi ochiq muloqotni mustahkamlash, fuqarolarning davlat boshqaruvidagi ishtirokini kuchaytirish, eng muhimi, inson manfaatlarini taʼminlashga xizmat qilayotgani bilan ahamiyatlidir.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
