“Ekologik madaniyat — soğlom kelajak asosi” loyihasi doirasida ijodkor yoşlar örtasida inşolar va rasmlar tanlovi ötkazildi

Butun dunyoda iqlim özgarişi bilan boğliq muammolar geografiyasi tobora kengayib, ekologik beqarorlik xavfi ortib bormoqda. Bemavrid suv toşqinlari bilan bir vaqtda yer yuzining turli burçaklarini qamrab olayotgan suvsizlik, qurğoqçilik oqibatida insoniyat boşiga yoğilayotgan talofatlar tabiat bilan öylab, oqilona munosabatda bölişni taqozo etmoqda.

Ana şunday murakkab şaroitda ekologik vaziyatni yaxşilaş, atrof-muhitni muhofaza qiliş orqali insonlar uçun soğlom havo muhitini yaratiş barça davlatlar, şu jumladan, mamlakatimiz siyosatining ustuvor yönalişlaridan biriga aylandi. Ayni paytda bu dolzarb muammoni hal qiliş borasidagi saʼy-harakatlarda nafaqat davlat boşqaruvi organlari, balki nodavlat taşkilotlar ham faol iştirok etişmoqda.

Amudaryo tumanida faoliyat olib boruvçi “Jayxun ilhomlari” nodavlat notijorat taşkilotining Özbekiston Respublikasi Oliy Majlisi huzuridagi Fuqarolik jamiyati institutlarini qöllab-quvvatlaş jamoat fondi tomonidan moliyalaştirilgan “Ekologik madaniyat — soğlom kelajak asosi” grant loyihasi doirasida amalga oşirilayotgan tarğibot-taşviqot tadbirlari ham aholi, ayniqsa, yoşlarni ekologik va atrof-muhitga, tabiatga ehtiyotkorona munosabatda bölişga, tabiiy resurslardan tejab-tergab, oqilona foydalanişga daʼvat etiş, ularning ekologik bilimlarini oşirişga qaratilgani bilan muhim ahamiyat kasb etmoqda.

Yaqinda mazkur grant loyihasi iş rejasiga muvofiq “Jayxun ilhomlari” nodavlat notijorat taşkiloti hamda “Taraqqiyot közgusi” gazetasi tahririyati hamkorligida taşkil etilgan “Yaşil tabiatni asraş — öz qölimizda” mavzusidagi inşolar tanlovida ham öquvçi-yoşlar faollik bilan iştirok etişib, öz ijodiy işlari orqali atrof-muhit muhofazasiga, ona tabiatga, şu barobarida ekologik muammolarga befarq emasliklarini amalda namoyon etdilar.

Tanlov avvalo umumtaʼlim maktablarida ötkazilib, öquvçilar tomonidan yozilgan eng yaxşi inşolar ona tili va adabiyot öqituvçilarining xulosalari asosida tanlovning hakamlar hayʼatiga tavsiya etilib, ğoliblar şaffoflik asosida aniqlandi va “Jayxun ilhomlari” nodavlat notijorat taşkiloti tomonidan faxriy yorliqlar va esdalik sovğalari bilan taqdirlandilar.

Joriy yilning 23-dekabr sanasida esa 9-sonli Bolalar musiqa va sanʼat maktabi binosida “Ekologik madaniyat — soğlom kelajak asosi” loyihasi doirasida “Jayxun ilhomlari” nodavlat notijorat taşkilotiga aʼzo şoir va yozuvçilar, jurnalistlarning yoş ijodkorlar bilan uçraşuvi taşkil etilib, ekologiya va atrof-muhit musaffoligi, yaşil maskanlarning ahamiyati, kelajak avlodga musaffo havo va toza ekologik muhit qoldiriş mavzusida rasmlar tanlovi taşkil etildi.

Tanlov avvalida tadbir iştirokçilari mazkur maktab öquvçi-yoşlarining ijodiy işlari körgazmasi bilan yaqindan tanişdilar. Rasmlar tanlovining yuqori saviyada, şaffoflik asosida ötkazilişini taʼminlaş maqsadida yoş rassomlar uçun qulay va zarur şart-şaroitlar yaratilib, jarayon maktabning tasviriy sanʼat yönalişi böyiça malakali öqituvçisi Muhriddin Xoliqov tomonidan kuzatib borildi.

Tanlov yakunida yoş ijodkor-rassomlarning ekologik muammolarni bartaraf etiş, yaşil örmonzorlarni köpaytiriş, hayvonot dunyosini asrab-avaylaş borasidagi munosabatlari aks etgan ijodiy işlari tanlab olinib, ğoliblar tanlov taşkilotçilari tomonidan faxriy yorliqlar, esdalik sovğalari bilan taqdirlandilar.

Grant loyihasi doirasida umumtaʼlim maktablari öquvçi-yoşlari örtasida ötkazilayotgan ekologiya mavzusiga bağişlangan bu kabi inşolar tanlovlari, şuningdek, şoir va yozuvçilar, jurnalistlarning yoş ijodkorlar bilan uçraşuvlari ösib kelayotgan yoş avlod qalbida tabiatga mehr-muhabbat tuyğularini uyğotib, ularning ekologik savodxonligini oşirişga hissa qöşişi şubhasiz.

Robiya Yöldoşeva