AMUDARYoDA QIŞLOQ XÖJALIGI XODIMLARI KUNI TANTANALI NIŞONLANDI

Özbekiston zamini azaldan qut-baraka öçoği, dehqonlari esa el dasturxonining butunligi uçun tinim bilmaydigan fidoyi insonlar sifatida qadrlanadi. Prezidentimiz Şavkat Mirziyoyevning taşabbusi bilan har yili dekabr oyida mamlakatimizda "Qişloq xöjaligi xodimlari kuni"ning keng nişonlanişi soha vakillariga körsatilayotgan yuksak ehtiromning yorqin namunasidir. Ana şunday kötarinki ruh va bayramona kayfiyat joriy yilning 24-dekabr kuni Amudaryo tumanida ham hukmron böldi. Tumanning Qipçoq ovulida joylaşgan muhtaşam "Jayxun" töyxonasida taşkil etilgan tantanali bayram tadbiri yil davomida dalada ter tökkan mirişkor dehqonlar, çorvadorlar, suvçilar va mexanizatorlar, agrar soha fidoyilari şarafiga bağişlandi.

Tadbirning oçiliş marosimida söz olgan Özbekiston Fermerlari kengaşi bölim boşliği Mehriddin Muhammadiyev, Qoraqalpoğiston Respublikasi Jöqorği Kengesining Agrar, suv xöjaligi, tabiatni muhofaza qiliş va ekologiya masalalari qömitasi raisi Anvar Jumanazarov, Jöqorği Kengesi Raisining maslahatçisi Muratbay Abdirov hamda Amudaryo tumani hokimi Sobir Xöjametovlar yiğilganlarni kasb bayrami bilan samimiy muborakbod etdilar.

Mutasaddilar öz nutqlarida bugungi kunda yurtimizda agrar sohani modernizatsiya qiliş, eng sönggi innovatsion texnologiyalarni joriy etiş, yer va suv resurslaridan oqilona foydalaniş borasidagi islohotlar öz samarasini berayotganini alohida taʼkidladilar. Xususan, Davlatimiz rahbari tomonidan aynan Qoraqalpoğiston Respublikasi uçun qabul qilingan tarixiy farmon va qarorlar hududda dehqonçilik madaniyatini yuksaltiriş va aholi farovonligini taʼminlaşda muhim omil bölayotgani eʼtirof etildi.

Aytiş joizki, yakunlanayotgan 2025-yil Amudaryo tumani qişloq xöjaligi tarixida sermahsul yillardan biri sifatida muhrlandi. Raqamlarga murojaat qiladigan bölsak, tuman mehnatkaşlari barça yönalişlarda ulkan zafarlarni qölga kiritganiga guvoh bölamiz.

2025-yil hosili uçun tumandagi 348 ta fermer xöjaligi tomonidan 13 ming gektar maydonda ğöza parvarişlandi. Mirişkorlarimiz gektaridan örtaça 44 tsentnerdan hosil olişni maqsad qilib, qabul maskanlariga 57 ming 220 tonna "oq oltin" topşirişni rejalaştirgan edilar. Omilkorlik va tinimsiz mehnat evaziga amalda 66 ming 250 tonna paxta xomaşyosi yetiştirilib, ulkan xirmon bunyod etildi.

Ğallaçilikda ham natijalar quvonarli. Rizq-rözimiz bölgan buğdoy yetiştiriş uçun 270 ta fermer xöjaligi va qişloq xöjaligi korxonalari tomonidan 4800 gektar yerga uruğ ekildi. Rejadagi 11 ming 130 tonna örniga omborlarga 13 ming 768 tonna sifatli don qabul qilinib, dasturxonlarimiz tökinligi taʼminlandi.

Şuningdek, "kumuş tola" ijodkorlari ham mavsumni yoruğ yuz bilan yakunladilar. Tumanda 4936 quti ipak qurti parvarişlanib, rejadagi 296 tonna örniga 296,1 tonna pilla hosili olindi.

Aholini meva-sabzavot mahsulotlari bilan taʼminlaş – dolzarb vazifa. Amudaryo tumanida jami 1096 gektar boğ va 66 gektar tokzorlar mavjud bölib, sohani rivojlantirişga jiddiy eʼtibor qaratilmoqda. Eskirgan va hosildorligi past bölgan 14 gektar boğ va 4 gektar tokzorlar örnida yangiça yondaşuv asosida işlar taşkil etildi. 2025-yil dasturiga köra 90 gektar intensiv boğ va 10 gektar tokzor barpo etiş közda tutilgan bölsa-da, amalda 126 gektar intensiv boğ va 16 gektar yangi tokzorlar yaratildi. Bu esa kelajakda eksportbop mahsulotlar hajmini oşiriş imkonini beradi.

Xalqimiz dasturxonini göşt va sut mahsulotlari bilan uzluksiz taʼminlaş maqsadida çorvaçilik tarmoğida ham ijobiy ösiş surʼatlari kuzatildi. Tumandagi 53 ta çorvaçilik subʼekti va aholi xonadonlaridagi saʼy-harakatlar natijasida yirik şoxli qoramollar boş soni 175,6 mingga yetib, ötgan yilga nisbatan 100,7 foizga ösdi. Şundan sigirlar soni 48,9 ming boşni taşkil etdi.

Natijada, göşt yetiştiriş hajmi 11,9 ming tonnaga, sut yetiştiriş hajmi esa 39 ming 227 tonnaga yetkazildi. Eʼtiborli jihati, qişloq xöjaligi korxonalarida göşt yetiştiriş ötgan yilga nisbatan qariyb 18 foizga, sut işlab soğib oliş hajmi esa qariyb 20 foizga oşdi.

Çorvaçilikning boşqa tarmoqlarida ham raqamlar ösişni körsatmoqda. Jumladan, qöy va eçkiçilikda mayda şoxli mollar soni 113,4 ming boşga yetkazildi. Tumandagi 9 ta parrandaçilik subʼekti va aholi xonadonlarida parvarişlanayotgan parrandalar soni 1 mln 170 ming boşdan oşdi. Yil davomida 48 milliondan ziyod tuxum yetiştirildi.

Asalariçilik yönalişida esa 3 ta ixtisoslaşgan subʼekt va havaskorlar asalariçilar tomonidan 176,3 tonna asal yiğib olindi.

Eng katta ösiş surʼatlaridan biri baliqçilik sohasida qayd etildi. 84 ta baliqçilik xöjaligi tomonidan 2071 tonna baliq ovlanib, ötgan yilgi körsatkiç 124,1 foizga bajarildi. Ayniqsa, fermer xöjaliklari baliq yetiştirişni 2,3 barobarga oşirgani tahsinga loyiq.

Sohani rivojlantiriş faqat raqamlarni oşiriş emas, balki naslçilikni yaxşilaş va investitsiyalarni jalb qiliş bilan ham ölçanadi. 2025-yilgi tuman dasturiga asosan umumiy qiymati 138 mlrd 510 mln sömlik 17 ta loyiha töliq işga tuşirildi.

Xususan, naslçilikni yaxşilaş maqsadida "O‘rta-qala chorva mollari" va "Avazbek Ğayrat" masʼuliyati çeklangan jamiyatlari hamda "Ilhom Şohrux" fermer xöjaligi tomonidan Rossiya Federatsiyasi, jumladan Doğiston Respublikasidan jami 1000 dan ortiq zotdor qoramollar olib kelindi. Şuningdek, raqamlaştiriş jarayonida 50 ta xöjalikdagi 4 mingdan ortiq qoramollar identifikatsiya qilinib, "Chinor" yagona elektron bazasiga kiritildi.

Tadbirda söz olganlar Prezidentimizning qişloq xöjaligi xodimlariga yöllagan bayram tabrigidagi muhim fikrlarni yana bir bor yodga oldilar: global iqlim özgarişi va suv tanqisligi şaroitida oziq-ovqat xavfsizligini taʼminlaş uçun faqat zamonaviy bilim, tajriba va innovatsion yondaşuv zarur.

Bayramning eng hayajonli qismida fidokorona mehnati bilan barçaga örnak bölayotgan soha ilğorlari taqdirlandi. Jami 170 nafar agrar soha vakiliga tuman hokimligining taşakkurnomalari va qimmatbaho sovğalari topşirildi. Ularning safida 15 nafar fermerning "Ilğor fermer" kökrak nişoni bilan mukofotlangani ularning maşaqqatli mehnatiga berilgan yuksak baho böldi.

"Jayxun" töyxonasida yangragan kuy-qöşiqlar, dilrabo raqslar bayramga özgaça şukuh bağişladi. Amudaryolik dehqonlarning bugungi yutuqlari ertangi kun uçun mustahkam poydevor bölib, elimiz dasturxoni tökinligi va yurtimiz farovonligiga xizmat qilişi şubhasiz.

Ğulomjon Yeşniyozov