Nikohni muddatidan oldin qayd qilish asoslarini bilasizmi?
Oʻzbekiston Respublikasi Vazirlar Mahkamasining 2023-yil 20-oktyabr kungi 550-son Qarorining 3-ilovasi (Fuqarolik holati dalolatnomalarini qayd etish qoidalarining 69-bandi) va Oʻzbekiston Respublikasi Oila kodeksining 14 va 15-moddalariga muvofiq, nikohlanuvchilarning oʻzaro roziliklari va ularning nikoh yoshiga yetganliklari nikoh tuzishning asosiy shartlari hisoblanadi.
Ixtiyoriylik: Nikoh tuzish ixtiyoriydir. Nikoh tuzish uchun boʻlajak er-xotin oʻz roziligini erkin ifoda etish qobiliyatiga ega boʻlishi kerak. Nikoh tuzishga majbur qilish taqiqlanadi.
Nikoh yoshi: Nikoh yoshi erkaklar va ayollar uchun oʻn sakkiz yosh etib belgilangan.
Umumiy tartib: Nikoh tuzish istagini bildiruvchi shaxslar bu toʻgʻrida belgilangan namunadagi yozma yoki elektron ariza bilan murojaat etgan kundan keyin bir oy oʻtgach FHDYo organi tomonidan qayd etiladi.
NIKOHNI MUDDATIDAN OLDIN QAYD QILISh ASOSLARI
FHDYo organi mudiri uzrli sabablar boʻlganda hamda arizachilarning iltimoslariga koʻra bir oylik muddatni qisqartirishi mumkin.
Bunda uzrli sabablarni tasdiqlovchi quyidagi hujjatlardan biri koʻrsatiladi:
Bolalarining tugʻilganligi haqidagi guvohnomalari.
Tibbiyot muassasasining kelinning homiladorligi yoki bir tarafning kasalligi haqidagi maʼlumotnomasi.
Xizmat safari toʻgʻrisidagi guvohnoma.
Va shu kabi uzrli sabablarni tasdiqlovchi boshqa hujjatlar.
B. Sobirov, Amudaryo tumani FHDYo boʻlimi 1-toifali inspektori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
