YuRT TINÇLIGI VA JAMIYaT OSOYIŞTALIGINI ASRAŞ – ŞARAFLI BURÇIMIZ

Jamiyat hayotining barça jabhalarida tinçlik va osoyiştalikni taʼminlaş, barqaror turmuş tarzini qaror toptiriş, fuqarolarning huquq va erkinliklarini işonçli himoya qiliş, aholi farovonligini yuksaltiriş va huquqiy demokratik davlatni barpo etişda Içki işlar organlarining samarali faoliyati ustuvor ahamiyatga ega.

Şu bois, mamlakatimizda barça sohalar singari Içki işlar tizimida ham keng kölamli islohotlar amalga oşirilmoqda. Ayniqsa, jamiyatda qonun ustuvorligini taʼminlaş, Içki işlar organlarini el-yurt manfaatiga xizmat qiladigan çinakam xalqçil tizimga aylantiriş yölida samarali işlar olib borilmoqda. Şu barobarida “Özbekiston Respublikasida Içki işlar organlari xodimlari kunini belgilaş töğrisida”gi Qonun bilan soha xodimlari faoliyatiga alohida eʼtibor qaratilib, 2006-yildan buyon 25-oktyabr sanasi Özbekiston Respublikasi Içki işlar organlari xodimlarining kasb bayrami sifatida keng nişonlanib kelinadi. Biz ham bayram arafasida uşbu masʼuliyatli va şarafli kasb egalarining faoliyati bilan tanişiş maqsadida Amudaryo tumani Içki işlar bölimida böldik.

Bölim xodimlari tomonidan jamoat tartibi va tinçlik-osoyiştalikni saqlaş, fuqarolarning huquq va erkinliklarini himoya qiliş borasida samarali işlar amalga oşirilmoqda. Xususan, jamoat xavfsizligini taʼminlaş, huquqbuzarliklarning oldini oliş va jinoyatçilikka qarşi kuraşiş borasida olib borilayotgan profilaktik çora-tadbirlar natijasida tuman hududida umumiy jinoyatlar soni joriy yilning 9 oyida ötgan yilning şu davriga nisbatan 32,9 foizga, yaʼni 146 tadan 98 taga kamayişiga erişildi.

Sohalar kesimida tahlil qiladigan bölsak, bu körsatkiç jinoyat qidiruv yönalişida 92 tadan 54 taga, iqtisodiy sohada — 19 tadan 15 taga, boşqa sohalarda esa 35 tadan 29 taga kamaygan.

Oldi olinişi mumkin bölgan jinoyatlar ötgan yilga nisbatan 106 tadan 63 taga, aniqlanişi lozim bölgan jinoyatlar soni 40 tadan 34 taga kamayib, axborot texnologiyalari yönalişidagi jinoyatlar ötgan yilning şu davri bilan soliştirganda, özgarmagan.

Taʼkidlaş joizki, bölimda Içki işlar organlari xodimlarining samarali faoliyat olib borişlari uçun barça qulayliklar, zarur şart-şaroitlar yaratilgan. Xodimlarning zamonaviy sport jihozlari örnatilgan sport zallarida jismoniy çiniqiş amaliyotlarini bajarişlari, zamonaviy axborot texnologiyalari bilan işlaş böyiça bilim va malakalarini mustahkamlaşlari uçun zarur şaroit va imkoniyatlar mavjudligi ularning öz faoliyatlarini muvaffaqiyatli tarzda amalga oşirişlariga zamin yaratmoqda.

Şu sababli sodir etilgan jinoyatlar tasnifi böyiça ham natijalarlar sezilarli darajada yaxşilangan. Jumladan, oğir turdagi jinoyatlar — 15 tadan 8 taga, ölim bilan boğliq bölmagan yöl-transport hodisalari 28,6 foizga, qasddan badanga oğir tan jarohati yetkaziş holatlari 100 foizga, örtaça oğir tan jarohati yetkaziş holatlari esa 66,7 foizga kamayişiga erişilgan. Qotillik jinoyati esa 2025-yilning ötgan davri mobaynida qayd etilmagan.

Özbekiston Respublikasi Vazirlar Mahkamasining 2024-yil 30-noyabrdagi “Obod va xavfsiz mahalla” tamoyili asosida mahallalarda ijtimoiy profilaktika tizimi samaradorligini oşiriş çora-tadbirlari töğrisida”gi qarori asosida huquqbuzarliklar sodir etilişi yoki undan jabrlaniş ehtimoli bölgan şaxslar bilan işlaşiş böyiça “Ijtimoiy profilaktika tizimi” yölga qöyilgani özining ijobiy samarasini bermoqda. Natijada tumandagi 49 ta fuqarolar yiğinlaridan 2 tasi “qizil”, 6 tasi “sariq”, 41 tasi “yaşil” toifalarga kiritilib, umumiy jinoyatlar soni ötgan yilning mos davriga nisbatan keskin kamayişiga erişildi.

IIBning tegişli bölinmalari xodimlarining öz vazifalariga masʼuliyat bilan yondaşayotganlari, tumanning eng çekka hududlari aholisi orasida amalga oşirilayotgan profilaktik çora-tadbirlar, sayyor qabullar, huquqiy savodxonlik böyiça uçraşuvlar hamda oçiq va oşkora muloqot tarzidagi tarğibot-taşviqot tadbirlari uşbu yönalişlardagi işlar muvaffaqiyatini taʼminlaş imkonini bermoqda.

Taʼkidlaş joizki, bugungi kunda dunyo miqyosida röy berayotgan xavf-xatar va tahdidlar — xalqaro terrorizm, diniy ekstremizm, noqonuniy migratsiya, odam savdosi kabi illatlarga qarşi kuraşiş Içki işlar organlari xodimlari oldiga yangi vazifalarni qöymoqda.

Uşbu vazifalarni şaraf bilan ado etişni, elimiz tinçligi, jamiyat osoyiştaligini saqlaşni öz burçi deb bilgan maşaqqatli va şarafli kasb egalari — Içki işlar organlari xodimlarini 25-oktyabr — kasb bayramlari bilan çin dildan muborakbod etamiz. Öz xizmat postlarida hamişa sobit turib, burçiga sodiqlik bilan xalqimiz osoyiştaligi yölida halol xizmat qilayotgan Içki işlar organlari xodimlari va soha faxriylariga kuç-ğayrat, mustahkam soğlik, el-yurt tinçligi va osoyiştaligi yölida qilayotgan ezgu xizmatlarida zafarlar tilaymiz.

Timur Doşumbayev, tuman IIB boşliği, polkovnik