Amudaryo tuman hokimi “Taʼlim homiysi” kökrak nişoni bilan taqdirlandi

Taʼlim va tarbiya – har bir jamiyat taraqqiyotining poydevori, kelajak avlodning intellektual va maʼnaviy kamoloti garovidir. Şu yölda yurtimizda amalga oşirilayotgan keng kölamli islohotlar jarayonida taʼlim tizimini rivojlantiriş, öqituvçilar mehnatini qadrlaş va öquvçilarga zamonaviy şaroit yaratiş yölida fidokorona mehnat qilayotgan rahbarlar alohida eʼtirof etilmoqda.

Şu örinda Amudaryo tumani hokimi Sobir Xöjametovning taʼlim sohasidagi samarali faoliyati ham munosib qadrlanib, u Özbekiston Respublikasi Maktabgaça va maktab taʼlimi vazirligining “Taʼlim homiysi” kökrak nişoni bilan taqdirlandi.

Uşbu yuksak mukofotni Qoraqalpoğiston Respublikasi Maktabgaça va maktab taʼlimi vaziri Gulistan Kojabayeva tantanali ravişda topşirdi. Vazir öz nutqida tuman hokimining taʼlim-tarbiya sohasidagi taşabbuslari, zamonaviy maktablar qurilişi, öqituvçilar uçun yaratilayotgan şaroit va öquvçilarning taʼlim olişi uçun qulay muhit yaratilganini alohida eʼtirof etdi.

Darhaqiqat, sönggi ikki yil davomida Amudaryo tumanida taʼlim tizimini rivojlantiriş borasida keng kölamli işlar amalga oşirildi. Jumladan, tumanda 6 ta yangi maktabgaça taʼlim taşkiloti qurilib, bolajonlar uçun qulay va zamonaviy muhit yaratildi. 31-, 46- va 48-sonli maktablar binolari qayta rekonstruktsiya qilinib, yangi qöşimça binolar barpo etildi. 59- va 68-sonli umumtaʼlim maktablari binolari esa töliq yangidan qurildi. 40-, 67- va 48-sonli maktablarda zamonaviy yopiq sport zallari hamda sport maydonçalari bunyod etildi. Şuningdek, 42-, 35- va 60-sonli maktablarga jami 359 million söm mablağ hisobiga yangi kompyuter jihozlari olib berilib, öquv jarayonlari raqamlaştirildi. Uşbu amaliy işlar tumanda taʼlim sohasining sifat jihatdan yangi bosqiçga kötarilişiga xizmat qilmoqda.

Tuman hokimi Sobir Xöjametov öz nutqida uşbu mukofot butun Amudaryo taʼlim jamoasining fidokorona mehnatiga berilgan yuksak eʼtirof ekanini taʼkidladi. “ Taʼlim – bu yurt kelajagi. Biz öqituvçilarimizni eʼzozlaş, bolalarimiz uçun zamonaviy şaroit yaratiş va har bir taʼlim muassasasini yangilaş yölida izçil işlaşda davom etamiz”, – dedi tuman hokimi öz nutqida. 

Tadbirda tuman Maktabgaça va maktab taʼlimi bölimi boşliği Yalğaş Şomuratov ham sözga çiqib, sönggi yillarda tuman hokimligi taşabbusi bilan taʼlim muassasalarida amalga oşirilayotgan infratuzilma yangilanişlari, öquvçilar va pedagoglar uçun yaratilayotgan şaroitlar taʼlim sifatining oşişiga katta turtki bölganini qayd etdi.

Bugun Amudaryoda taʼlimga qaratilayotgan eʼtibor – ertangi kun, yoş avlodning baxtli kelajagiga qaratilgan eng muhim sarmoya, “Taʼlim homiysi” kökrak nişoni esa ana şu fidokorlik va masʼuliyatli mehnatning eʼtirofidir.

Çaros Arslonova, tuman hokimligining Axborot xizmati rahbari.