AMUDARYo TUMANINING EKSPORT SALOHIYaTI OʻSIB BORMOQDA
Amudaryo tumanining tashqi savdo aylanmasi yil sayin oʻsib bormoqda. Yuqori sifatli sanoat mahsulotlari ishlab chiqarish va qishloq xoʻjaligini jadal rivojlantirish borasidagi saʼy-harakatlar hamda yetishtirilgan mahsulotni tashqi bozorga yoʻnaltirish natijasida eksport hajmining oshishiga mustahkam zamin yaratilmoqda.
Xususan, 2025-yilning yanvar-iyul oylarida tumanning tashqi savdo aylanmasi 19 253,9 ming AQSh dollarini tashkil etdi. Oʻtgan 2024-yilda bu koʻrsatkich 10 540,5 ming AQSh dollari boʻlib, joriy yilning faqat 6 oyi davomida 182,7 foiz oʻsishga erishildi. Ushbu koʻrsatkich MDH davlatlari bilan 10 549,8 ming AQSh dollari, boshqa davlatlar bilan 8 659,2 ming AQSh dollari miqdorida amalga oshirilgan savdolar hisobiga shakllandi.
Bundan tashqari, Amudaryo tumanining eksport hajmi 2025-yilning yanvar-iyul oylarida 17 254,3 ming AQSh dollariga yetkazilib, 2024-yilning mos davriga nisbatan eksport hajmi 189,3 foizni tashkil etib, yuqori darajadagi oʻsish qayd etildi. Bu boradagi koʻrsatkich 2024-yilda 9 120,2 ming AQSh dollari darajasida edi.
Shuningdek, import hajmi ham ancha oʻsgan. Yaʼni, 2024-yilning yanvar-iyul oylarida tumanga 1 420,3 ming AQSh dollarlik turli toifadagi sanoat va qishloq xoʻjaligi mahsulotlari import qilingan boʻlsa, 2025-yilning yanvar-iyul oylarida import mahsulotlar hajmi 140,1 foizga oshib, 1 989,6 ming AQSh dollarini tashkil etgan.
Ushbu tahlillardan ayonki, Amudaryo tumanining tashqi savdo aylanmasidagi oʻsish, eksport va import salohiyatining oshib borishi tadbirkorlar uchun yaratilayotgan keng imkoniyatlar va davlatimiz tomonidan koʻrsatilayotgan eʼtibor va ragʻbat tufaylidir.
Olimboy , Amudaryo tumani Statistika boʻlimi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
