АМУДАРЁ ТУМАНИНИНГ ЭКСПОРТ САЛОҲИЯТИ ЎСИБ БОРМОҚДА
Амударё туманининг ташқи савдо айланмаси йил сайин ўсиб бормоқда. Юқори сифатли саноат маҳсулотлари ишлаб чиқариш ва қишлоқ хўжалигини жадал ривожлантириш борасидаги саъй-ҳаракатлар ҳамда етиштирилган маҳсулотни ташқи бозорга йўналтириш натижасида экспорт ҳажмининг ошишига мустаҳкам замин яратилмоқда.
Хусусан, 2025 йилнинг январь-июль ойларида туманнинг ташқи савдо айланмаси 19 253,9 минг АҚШ долларини ташкил этди. Ўтган 2024 йилда бу кўрсаткич 10 540,5 минг АҚШ доллари бўлиб, жорий йилнинг фақат 6 ойи давомида 182,7 фоиз ўсишга эришилди. Ушбу кўрсаткич МДҲ давлатлари билан 10 549,8 минг АҚШ доллари, бошқа давлатлар билан 8 659,2 минг АҚШ доллари миқдорида амалга оширилган савдолар ҳисобига шаклланди.
Бундан ташқари, Амударё туманининг экспорт ҳажми 2025 йилнинг январь-июль ойларида 17 254,3 минг АҚШ долларига етказилиб, 2024 йилнинг мос даврига нисбатан экспорт ҳажми 189,3 фоизни ташкил этиб, юқори даражадаги ўсиш қайд этилди. Бу борадаги кўрсаткич 2024 йилда 9 120,2 минг АҚШ доллари даражасида эди.
Шунингдек, импорт ҳажми ҳам анча ўсган. Яъни, 2024 йилнинг январь-июль ойларида туманга 1 420,3 минг АҚШ долларлик турли тоифадаги саноат ва қишлоқ хўжалиги маҳсулотлари импорт қилинган бўлса, 2025 йилнинг январь-июль ойларида импорт маҳсулотлар ҳажми 140,1 фоизга ошиб, 1 989,6 минг АҚШ долларини ташкил этган.
Ушбу таҳлиллардан аёнки, Амударё туманининг ташқи савдо айланмасидаги ўсиш, экспорт ва импорт салоҳиятининг ошиб бориши тадбиркорлар учун яратилаётган кенг имкониятлар ва давлатимиз томонидан кўрсатилаётган эътибор ва рағбат туфайлидир.
Олимбой , Амударё тумани Статистика бўлими.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
