Amudaryo tumanida ğalladan böşagan maydonlarda takroriy ekinlardan yuqori hosil olişning samarali usullari hamda iqtisodiy ösiş kafolati

Amudaryo tumanida 2025-yilda ğalla örim-yiğimi muvaffaqiyatli yakunlanib, hosildorlik körsatkiçlari ötgan yilga nisbatan yuqori böldi. Ayniqsa, fermer xöjaliklari tomonidan zamonaviy agrotexnika talablariga rioya qilingani, suv resurslaridan oqilona foydalaniş, sifatli uruğlik va agroqöllab-quvvatlaş tizimining yaxşilangani natijasida yuqori natijalarga erişildi.

Bu yil tumanda 14 ming gektardan ziyod maydonda ğalla yetiştirildi va hozirgi kunda uşbu maydonlarning katta qismida takroriy ekinlar ekildi. Xususan, tezpişar va qisqa vegetatsiya davriga ega bölgan mahsulotlar – moş, kungaboqar, sabzavot va poliz ekinlarini ekiş işlari jadal surʼatlarda olib borilmoqda.

Bu borada tuman fermerlar kengaşi tomonidan takroriy ekinlarni ekiş hamda agrotexnik tadbirlarni töğri amalga oşiriş böyiça körsatma va maslahatlar berib kelinmoqda.

Tumanda 3540 gektar maydonda takroriy sabzavot-poliz, dukkakli, moyli ekinlar ekiş rejalaştirilgan bölib, işlar jadallik bilan olib borilmoqda.

Amudaryo tumani Tölqin hududidagi “Amat Törayev” fermer xöjaligi maydonida hududdagi fermer xöjaliklar, tegişli soha vakillari iştirokida takroriy ekinlarni ekişda agrotexnik tadbirlarni töğri taşkil qiliş böyiça seminar bölib ötdi.

“Amat Törayev” fermer xöjaligi tomonidan 31,1 gektar maydonda takroriy ekinlar ekiş işlari töliği bilan yakunlangan bölib, 15 gektar dukkakli, 5 gektar moyli ekinlar, 6,1 gektar ozuqa ekinlar, 5 gektar kartoşka ekinlari ekildi. Mazkur ekinlar eksportbop, yuqori hosildorlikka ega navlar asosida tanlab olinib, har bir fermer xöjaligi tomonidan agrotexnik tadbirlar belgilangan muddatda va sifatli amalga oşirilmoqda. Ayniqsa, takroriy ekinlar uçun zamonaviy, suvni tejovçi texnologiyalar joriy etilayotgani eʼtiborga molik.

Alohida faollik körsatayotgan quyidagi ilğor fermer xöjaliklari: “Tajimurotov Ismoil”, “Annamuratov Baqqol”, “Rajab Japaq”, “Usta Allayor”, “Azimjon vaysak”, “Xolbek Elbek”, “Boboniyozov Farxod”, “Saporboy Qodir”, “Gulmira Gulrux”, “Matnazarov Sodiqbek”, “Xidirov Samad”, “Allamberganov Şakirjon”, “Ermanov Urozboy”, “Kuralbay Allamoviç”, “Javohir Javlonbek Şaxzodbek”, “Yusuf xöja”, “Amat Törayev”, “Feruz Ravşanbek”, “Yakupova Gavhar”, “Erkin Rasulov asalçi” fermer xöjaliklari tomonidan takroriy ekinlar nafaqat tuproq unumdorligini oşiradi, balki bozorda talab yuqori bölgan mahsulotlar bilan taʼminlaşda muhim ahamiyatga ega. Şu bilan birga, oylik daromad oqimini taʼminlaşga xizmat qiladi.

Ayni paytda Amudaryo tumani hokimligi, tuman agrar bölimi, suv xöjaligi va tuman fermerlar kengaşi hamkorligida takroriy ekinlar ekiş jarayonini qöllab-quvvatlaş, uruğ, mineral öğit va yoqilği bilan taʼminlaş işlari yölga qöyilgan. Şu bilan birga, har bir fermer xöjaligi bilan alohida “yöl xaritasi” işlab çiqilib, samaradorlikni oşiriş çoralari körilmoqda.

Amudaryolik fermerlar ekin maydonlaridan ikki karra foyda olişga intilmoqdalar. Bunday saʼy-harakatlar mamlakatimiz agrosanoat salohiyatini mustahkamlaşda muhim qadam hisoblanadi.

Amudaryo tumani Fermerlar Kengaşi