AMUDARYo IXTISOSLAŞTIRILGAN MAKTABIDA “SÖNGGI QÖNĞIROQ” TADBIRI ÖTKAZILDI

Maktab – buyuk orzular ostonasi. Ana şu muqaddas makonda keçgan har bir kun insonga ezgu xotiralar baxş etadi. Bolalikda uyğongan döstlik, qadrdonlik tuyğulari heç qaçon unutilmaydi. Ayniqsa, ilm oliş sari taşlangan qadamlarga, orzularga guvoh bölgan jonajon maktab insonning şaxs sifatida şakllaniş jarayonida eng samimiy döst, eng uluğ ustoz kabi aziz va mukarramdir. Şuning uçun ham maktab tahsilini tamomlagan har bir voyaga yetgan öğil-qiz özlariga oq-qorani tanitgan muqaddas dargoh bilan közlarida yoş, qalblarida çeksiz hayajon, uluğvor orzular ila xayrlaşadilar.

Joriy 2024-2025 öquv yili yakunlariga bağişlangan “Sönggi qönğiroq” tadbirlari 24-may sanasida butun mamlakatimizda bölgani kabi Amudaryo tumanida ham hayajonli daqiqalarga, yorqin taassurotlarga boy tarzda keng nişonlandi. Şu kuni tumandagi Amudaryo ixtisoslaştirilgan maktabining bayramona bezatilgan hovlisida, “Ilm – eng uluğ şaraf!” şiori ostida bölib ötgan “Sönggi qönğiroq” tadbiri maktab bitiruvçilari uçun biri-biridan şirin, gözal daqiqalarni hadya etdi.

Muhtaram Prezidentimizning bitiruvçilarga yöllagan tabrigi bilan boşlangan mazkur tadbirda ota-onalar, tadbirga taşrif buyurgan Yangiobod mahalla fuqarolar yiğini masʼullari hamda maktab öqituvçilari bitiruvçi yoşlarga özlarining ezgu tilaklarini bildirdilar.

Ayniqsa, Prezidentimizning tabrigidagi “Bugungi kunda biz öz oldimizga qöyayotgan buyuk maqsadlarni amalga oşirişda butun xalqimiz qatori, bilimli, hunarli, tadbirkor va vatanparvar, har tomonlama yetuk yoşlarga tayanamiz. Sizlardek öz kuçiga işongan, qatʼiyatli yoşlardan qadrdon maktabingiz, aziz ustozlaringiz va ota-onalaringiz, butun xalqimiz faqat ezguliklar, yorqin natijalar kutadi” – degan sözlari yoşlar qalbiga daʼvatkor ruh, işonç va qatʼiyat bağişladi.

Tadbir davomida Amudaryo ixtisoslaşgan maktabi öquvçilari erişayotgan yutuqlar tilga olinib, maktab öquvçilarining OTMlarga öqişga kiriş körsatkiçlari yil sayin ortib borayotgani alohida qayd etildi. Xususan, joriy öquv yilida maktabni bitirayotgan 76 nafar öquvçilardan 56 nafari milliy va xalqaro darajadagi sertifikatlar egalari bölişdi. Ulardan 2 nafari fanlar olimpiadasining tuman va Qoraqalpoğiston Respublikasi bosqiçlarida ğoliblikni qölga kiritişib, mamlakat bosqiçida muvaffaqiyatli iştirok qildilar. Bitiruvçilardan Jahongir Yöldoşev esa nufuzli xorijiy OTMlarining test sinovlaridan muvaffaqiyatli ötib, bir yöla 6ta OTMning töliq grantlarini yutib oldi.

“Sönggi qönğiroq” tadbirida sözga çiqqan ota-onalar va tadbirning barça mehmonlari maktabda yoş avlod taʼlim-tarbiyasiga qaratilayotgan eʼtibor, yaratilgan şart-şaroitlar, öqituvçi va murabbiylar tomonidan amalga oşirilayotgan biri-biridan qiziqarli dars-maşğulotlari, eng zamonaviy taʼlimiy dasturlardan minnatdor ekanliklarini alohida eʼtirof etdilar va mustaqil hayotga qadam qöyiş arafasida turgan farzandlariga özlari tanlagan yönalişlar böyiça Prezidentimiz, xalqimiz işongan, ona Vatanga sadoqatli, munosib mutaxassislar bölib yetişişlarida samimiy tilaklar tiladilar.

Tadbirning adabiy-musiqiy qismida “Ilm – eng uluğ şaraf!” şiori mazmun-mohiyatini özida mujassam etgan kontsert dasturi namoyiş etilib, yoşlik, döstlik ilm-u ziyo, Vatan va ustozlarni şaraflovçi kuy-qöşiqlar yangradi, gözal raqslar ijro etildi.

Şundan söng ramziy sönggi qönğiroq jaranglab, maktabning 76 nafar bitiruvçi yoşlari mustaqil hayotning ilk sinovlari – davlat test sinovlarini muvaffaqiyatli topşiriş sari dadil qadamlarini qöydilar.

Robiya Yöldoşeva.