11-sonli maktabda “Assalom, Navröz!” nomli bayram tadbiri bölib ötdi

Yaşariş va yangilaniş ayyomi bölgan Navrözi olam haqida gap ketganida har bir insonning öz bolaligi, uşbu bayram bilan boğliq xotiralari yodiga tuşadi. Sababi, bolalikdagi “çakman toş”, “quvlaşmaçoq”, “bekinmaçoq”, “arqon tortişuv”, “varrak uçiriş” singari köplab öyinlar aynan bahor mavsumi hamda Navröz arafasida öynaladi. Şu kabi xalq öyinlari bolajonlarga olam-olam zavq ulaşadi. Qişning izğirin havosidan çarçagan odamlar Navrözga – “Yangi kun”ga yetganiga şukronalar aytib, bir-birlarining holidan xabar oladilar. Kök somsa-yu, kök çuçvara, sumalak kabi bahoriy taomlarni tayyorlab, mahalladoşlarga ilinadilar. Ha, bahor ana şunday saxovat va mehr-oqibat fasli. Navröz esa, dillarni dillarga boğlovçi şafoat, muruvvat, özaro bağrikenglik mujassam bölgan köhna bayram.

2009-yil 30-sentyabrda Navröz bayrami UNESCO tarafidan nomoddiy madaniy meros sifatida röyxatiga kiritilib, 2010-yil 23-fevralda BMT Boş Assambleyasining 64-sessiyasida 21-mart “Xalqaro Navröz kuni” deb eʼlon qilinişi uşbu bayramning maqomini yanada yuksaklarga kötardi. Sana munosabati bilan joylarda turli xil tadbirlar, sumalak sayllari ötkazilib kelinadi.

Yaqinda Amudaryo tumanidagi 11-sonli maktabda “Assalom, Navröz!” nomli bayram tadbiri bölib ötdi. Bayram milliy özligimizni anglaş, öquvçilar qalbida milliy anʼanalarimizga hurmat va muhabbat uyğotiş, öquvçilar va mehnat jamoasi qalbiga bayramona şukuh olib kiriş maqsadida taşkil qilindi.

Maktabning maʼnaviy-maʼrifiy işlari böyiça direktor örinbosari Qunduzoy Xalmuratova taşkilotçiligida ötkazilgan bayram tadbirini maktab direktori Uluğbek Mamutov kiriş sözi bilan oçib berib, maktab maʼmuriyatini va öquvçilarni bayram bilan qizğin muborakbod etdi.

Şundan keyin bayram dasturi boşlandi.

Tadbirni maktab psixologi Dilnoza Şamurotova olib bordi. Tadbirni maktabning 9-sinf öquvçilari özlari tayyorlagan, Navröz anʼanalarini aks ettiruvçi sahna körinişlari bilan boşlab berdi. 3-, 4-, 5-, 6-, 7-, 8- va 10- sinf öquvçilari esa, özlarining bayramona raqslari, dilrabo qöşiqlari va milliy çiqişlari bilan davraga yanada fayz kiritdilar.

Sözimiz avvalida Navröz bayramida ötkaziladigan milliy öyinlar haqida söz yuritgan edik. Darhaqiqat, uşbu bahor bayramini milliy xalq öyinlarisiz tasavvur qilib bölmaydi. Asrlar oşa avloddan avlodga ötib kelayotgan, ana şunday milliy öyinlardan biri bu – “Arqon tortişuv” öyinidir. Qadimda bu öyin Navröz bayramida, xalq sayllarida, töy va marosimlarda zör iştiyoq bilan ötkazilgan. Uşbu öyin endilikda ham milliy bayramlarimizda musobaqa tarzida ötkazilib kelinadi. Şiddatli va qizğin keçgan “Arqon tortişuv” musobaqasida maktabning 11-a sinf yigitlari 1-örin, 9-a sinf öquvçilari 2-örin, 10-sinf yigitlari esa 3-örinni egalladilar. Ğolib jamoalar faxriy yorliqlar bilan taqdirlandi.

Şuningdek, “Eng yaxşi raqs”, “Eng yaxşi qöşiq”, “Eng yaxşi milliy libos”, “Eng yaxşi guruh raqsi”, “Eng yaxşi kompozitsiya”, “Eng yaxşi milliy raqs” va “Eng yaxşi zamonaviy raqs” nominatsiyalari böyiça ğoliblar aniqlanib, ularga ham faxriy yorliqlar topşirildi.

Aziza Madrahimova