Nikohni qayd etish tartibini bilasizmi?
Oila Kodeksining 14- va 15-moddalariga muvofiq, nikohlanuvchilarning oʻzaro roziliklari va ularning nikoh yoshiga, yaʼni erkaklar va ayollar uchun 18 yoshga yetganliklari nikoh tuzishning asosiy shartlari hisoblanadi.
Nikoh tuzishni xohlovchi shaxslar bu toʻgʻrida belgilangan namunadagi yozma yoki elektron ariza bilan murojaat etgan kundan keyin bir oy oʻtgach, nikoh FHDYo organi tomonidan qayd etiladi.
Nikoh tuzuvchilarning xohishlariga koʻra, nikohni tantanali ravishda qayd qilish yoki joylarga chiqqan holda qayd qilish xizmatlari koʻrsatiladi. Nikohlanuvchi shaxslarning istaklariga binoan nikoh ularning qarindoshlari va tanishlari ishtirokida qayd etiladi.
Nikohga kirish haqidagi arizani berishda shaxsni tasdiqlovchi hujjatlardan biri, yaʼni fuqarolik pasporti, xorijga chiqish pasporti, identifikatsiyalovchi ID karta, harbiy xizmatchining tugʻilganlik haqidagi yoki harbiy guvohnomasi koʻrsatilishi kerak.
Nikoh tuzilganligini qayd etishda nikohlanuvchi shaxslar oʻz xohishlariga koʻra, ikkalasidan birining familiyasini umumiy familiya sifatida tanlashlari yoki oʻzlarining nikohgacha boʻlgan familiyalarida qolishlari mumkin.
Nikohni qayd etganlik uchun BHMning 20 foizi (bugungi kun holatiga 75 ming soʻm) miqdorida davlat boji va BHMning 15 foizi (56 ming 250 soʻm) miqdorida gerb yigʻimi undiriladi.
B.Sobirov, tuman FHDYo boʻlimi 1-toifali inspektori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
