Faxriylarni eʼzozlaş – milliy qadriyatlarimizning yorqin ifodasi

Mamlakatimizda 14-yanvar – Vatan himoyaçilari kuni munosabati bilan yurtimizning barça hududlarida vatanparvarlikka bağişlangan tadbirlar, faxriylar holidan xabar oliş va yoşlar bilan uçraşuvlar taşkil etilmoqda. Bu kun Milliy Armiyamizning kuç-qudratini namoyon etiş bilan birga, Vatan tinçligi va xalq osoyiştaligini taʼminlaş yölida jonbozlik körsatgan insonlarni qadrlaş, yoş avlodni vatanparvarlik ruhida tarbiyalaşga alohida eʼtibor qaratiladi.

Amudaryo tumanida ham mazkur sana munosabati bilan qator uçraşuvlar taşkil etildi. Tuman Mudofaa işlari bölimi boşliği, mayor Şuhrat Mamatov hamda Özbekiston “Veteran” jangçi-faxriy nogironlar birlaşmasi Qoraqalpoğiston Respublikasi bölimi Amudaryo tumani vakillari B.Jumaniyozov, O.Xöjaniyozov va Ş.Saidboyev Toryop mahalla fuqarolar yiğinida yaşovçi faxriy Bisenbay Utegenov holidan xabar oldilar.

Faxriy bilan samimiy suhbat davomida uning hayoti va faoliyati, yoş avlodni tarbiyalaşdagi hissasi yuksak baholandi. Uçraşuvda Bisenbay Utegenovga “Yoşlarni vatanparvarlik ruhida tarbiyalaş uçun” medali va esdalik sovğalari tantanali ravişda topşirildi.

Şundan söng, faxriylar Bosuv mahalla fuqarolar yiğinida yaşovçi sobiq jangçi Saidov Farhod xonadoniga taşrif buyurdi. Taşrif davomida Farhod Saidovning Vatan tinçligi yölida qilgan xizmatlari eʼtirof etilib, unga ham “Yoşlarni vatanparvarlik ruhida tarbiyalaş uçun” medali va esdalik sovğalari topşirildi.

Uşbu uçraşuvlar davomida faxriylar yoşlarga özlarining hayotiy tajribalari, Vatan himoyasi yölida keçgan xizmat yillari haqida hikoya qilib berdilar. Tadbir davomida yoşlar bilan samimiy muloqotlar ötkazilib, ularning Vatanga sadoqat, mardlik va jasorat kabi xislatlarini yuksaltiriş böyiça maslahatlar berildi.

Mazkur uçraşuvlar 14-yanvar – Vatan himoyaçilari kunini nişonlaş tadbirlarining bir qismi bölib, ular nafaqat faxriylarni qadrlaş, balki yoş avlodni vatanparvarlik ruhida tarbiyalaş yölida muhim qadam bölib xizmat qiladi.

Şohzod Qurbonboyev