36-sonli maktabda “Happy Kids - Sçastlivie deti” nomli tadbir ötkazildi

Amudaryo tumanida joylaşgan 36-sonli umumtaʼlim örta maktabida xorijiy tillar öqituvçilari va öquvçilar taşabbusi bilan qiziqarli va taassurotlarga boy tadbir ötkazildi. Tadbir “Happy Kids - Sçastlivie deti” deb nomlanib, u maktabda xorijiy tillar uslub birlaşmasi öqituvçilari tomonidan taşkil qilindi. Tadbirda rus va ingliz tili fanlari öqituvçilari va maktabning turli sinf öquvçilari faol iştirok etişdi.

Tadbir avvalida maktab direktorining maʼnaviyat va maʼrifat işlari böyiça örinbosari Vahobjon Davletov sözga çiqib, fan oyliklari öquvçilarning darslarni özlaştiriş darajasini oşirişda muhim ahamiyatga ega ekanligini qayd etib ötdi.

Darhaqiqat, fan oyliklarida har bir fan böyiça çuqurlaştirilgan bilimlar berilib, öquvçilarga yangi mavzularni özlaştiriş uçun köplab imkoniyatlar yaratiladi. Fan oyliklari jarayonida amaliy maşğulotlar, turli tadbirlar ötkazilib, öquvçilarning bilim darajasi va qobiliyati çuqurlaştiriladi. Ayniqsa, interaktiv usullar yordamida ötkaziladigan darslar ularning qiziqişini orttirib, bilimlarni yodda saqlab qoliş qobiliyatini osonlaştiradi.

Tadbir maktabning 4-a, 4-b, 5-, 6-, 7- va 8-sinf öquvçilari iştirokida ötkazildi. Mazkur sinf öquvçilari özlarining har xil ijodiy çiqişlari, raqslari va şeʼrlari bilan xorijiy tillarni qançalik çuqur örganganliklarini tomoşabinlar va ota-onalariga namoyiş qilişdi.

Aytiş joizki, xorijiy tillarni örganişda turli tadbirlar va badiiy keçalar ham katta ahamiyatga ega. Bunday tadbirlar orqali öquvçilar tilni nafaqat nazariy jihatdan, balki amaliyotda ham qöllaş imkoniga ega böladilar. Xorijiy tildagi keçalar va tadbirlar öquvçilarda tilni örganişga bölgan qiziqişni oşiradi, özga xalqlarning madaniyati, urf-odat va anʼanalari bilan tanişiş imkonini beradi. Ular turli xil öyinlar, şeʼrlar va sahna körinişlari orqali öz bilimini mustahkamlab, tegişli xorijiy tilni puxta özlaştiriş imkoniyatiga ega böladilar.

Qolaversa, bunday tadbirlar öquvçilarning ijodiy qobiliyatlarini rivojlantirişga va jamoada işlaş könikmasini şakllantirişga ham yordam beradi.

Tadbir maktabning uslub birlaşmasi rahbari Zamira Otajanova, rus tili öqituvçilari Nasiba Ahmedova, Raʼno Ahmedova, Nodira Soliyeva, Muhabbat Tursunboyeva, Yulduz Yusupova, ingliz tili öqituvçilari Xosiyat Rajapova, Rayhon Örazboyeva, Dildor Xalmenova,  Dilnura Boboniyazova, Nilufar Şomuradovalar tomonidan taşkil qilindi.

Tadbirning asosiy maqsadi — öquvçilarning xorijiy tillarni örganişga bölgan qiziqişlarini oşiriş, ularning dunyoqaraşini kengaytiriş hamda oliy öquv yurtlariga öqişga kirişga tayyorlaş orqali yoruğ kelajagiga zamin yaratişdir.

Tadbirda öquvçilar nafaqat bilimlarini sinovdan ötkazişdi, balki özaro muloqotga kirişib, jamoada işlaş könikmasini ham oşirdilar. Tadbir davomida öquvçilar tomonidan namoyiş etilgan çiqişlar, ularning ijodiy qobiliyatini namoyon etuvçi raqslar va şeʼrlar iştirokçilarda katta taassurotlar qoldirib, maktabda madaniy-maʼnaviy muhitni yanada yaxşilaşga hissa qöşdi.

Tadbir oxirida faol va ijodkor öquvçilarga minnatdorlik bildirildi. Bu kabi tadbirlar orqali nafaqat tadbir iştirokçilari, balki tomoşabinlarda ham xorijiy tillarni örganişga bölgan qiziqiş va iştiyoq oşdi.