Amudaryo tumanida qurilishi tugallangan telekommunikatsiya obʼektlarini doimiy foydalanishga qabul qilish ishlari olib borilmoqda
Oʻzbekiston Respublikasi Prezidentining 2020-yil 5-oktyabrdagi “RAQAMLI OʻZBEKISTON — 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmonida belgilangan vazifalar ijrosini taʼminlash maqsadida Oʻzbekiston Respublikasi Vazirlar Mahkamasining 2021-yil 19-noyabrdagi “Oʻzbekiston Respublikasi telekommunikatsiya infratuzilmasini yanada rivojlantirish chora-tadbirlari toʻgʻrisida”gi 699-son Qarori qabul qilingan. Ushbu qaror bilan hududlarda optik tolali aloqa liniyalarini, shuningdek keng polosali ulanish tarmogʻini rivojlantirish, mobil aloqa hamda boshqa zamonaviy texnologiyalardan foydalanishni davom ettirish orqali telekommunikatsiyalar infratuzilmasini rivojlantirish asosiy koʻrsatkichlar etib belgilangan.
Yuqoridagi Farmon va Qarorlar ijrosini taʼminlash maqsadida “Oʻzbektelekom” AK Qoraqalpogʻiston Respublikasi filiali tomonidan Amudaryo tumani hududida 2024-yilning oʻtgan yarim yilligida jami 72 ta obʼektlarga 86,5 km. uzunlikdagi optik tolali aloqa kabellari tortilib, tuman xalqiga yuqori tezlikdagi telekommunikatsiya xizmatlarini koʻrsatish maqsadida tumanning “Xolimbek” OFY, “Kuyuk koʻpir” OFY, “Tashqaʼla” MFY va “Toʻlqin” OFY hududlariga jami sigʻimi 5120 portga ega “GPON” texnologiyasi asosida ishlovchi telekommunikatsiya qurilmalari yangidan qurilgan hamda ushbu obʼektlarni foydalanishga topshirish uchun qabul komissiyasiga taqdim etgan.
Oʻzbekiston Respublikasi Prezidentining 2018-yil 21-noyabrdagi PQ-4024-son Qarori bilan belgilangan vazifalar doirasida Axborotlashtirish va telekommunikatsiyalar sohasida nazorat inspektsiyasi (“Oʻzkomnazorat”) Qoraqalpogʻiston Respublikasi hududiy boʻlimi tomonidan “Oʻzbektelekom” AK Qoraqalpogʻiston Respublikasi filialining Amudaryo tumanida qurilishi tugallangan va qabul komissiyasiga topshirilgan telekommunikatsiya obʼektlarida qurilish ishlari belgilangan qoidalarga muvofiq olib borilganligi yuzasidan oʻrganish ishlari olib borildi hamda tegishli xulosalar aqdim etildi.
Eslatma! Axborotlashtirish va telekommunikatsiya texnologiyalari sohasida koʻrsatilayotgan xizmatlar sifati buzilgan taqdirda (“Oʻzkomnazorat” Inspektsiyasining 1144 qisqa raqamiga murojaat qilish imkoniyati borligini bildiramiz.
Omar Yesemuratov, “Oʻzkomnazorat” inspektsiyasi Qoraqalpogʻiston Respublikasi hududiy boʻlimi shoʻʼba rahbari
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
