Яна 1855 нафар фуқаронинг турар жойларга мулк ҳуқуқи ҳамда ер участкаларига ижара ҳуқуқини эътироф этиш бўйича рўйхат тасдиқланди
Аввал хабар берилганидек, Ўзбекистон Республикаси Президентининг 2023 йил 28 июль кунги “Қорақалпоғистон Республикаси аҳолисини ижтимоий қўллаб-қувватлаш ҳамда жисмоний шахслар томонидан қурилган уй-жойларга бўлган ҳуқуқларни эътироф этиш тўғрисида”ги Фармони ижросини таъминлаш мақсадида Амударё туманида қатор амалий ишлар қилинмоқда.
Халқ депутатлари Амударё тумани Кенгашининг навбатдаги сессиясида Давлат кадастрлари туман филиали бошлиғининг турар жойларга мулк ҳуқуқини ҳамда ер участкаларига нисбатан ижара ҳуқуқини эътироф этиш тўғрисидаги ҳисоботи тингланди ва халқ депутатлари туман Кенгашининг 2024 йил 10 июль кунги қарори билан 1855 нафар фуқароларнинг ҳуқуқни белгиловчи ҳужжатларсиз қурилган турар жойларига мулк ҳуқуқи ҳамда ер участкаларига ижара ҳуқуқини эътироф этиш бўйича рўйхат тасдиқланди. Эндиликда ушбу рўйхат асосида Қорақалпоғистон Республикаси Жўқорғи Кенгеси Президиумининг қарори қабул қилинади ва шундан кейин фуқаролар тегишли тартибда кадастр ҳужжатларига эга бўлишлари мумкин.
Эслатиб ўтамиз, агар Сизнинг ҳам ер участкангизнинг ижара ҳуқуқини, бино ва иншоотларингизнинг мулк ҳуқуқини тасдиқловчи ҳужжатлар бўлмаса, давлат кадастрлари палатасининг туман филиалига мурожаат қилинг.
Шоҳзод Қурбонбоев
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
