МАЪМУРИЙ ЖАРИМАЛАРНИ ТЎЛАШДА АҲОЛИГА ҚЎШИМЧА ҚУЛАЙЛИКЛАР ЯРАТИЛДИ
Жорий йил 18 апрелда “Маъмурий жарималарни тўлашда аҳолига қўшимча қулайликлар яратилиши муносабати билан Ўзбекистон Республикаси Маъмурий жавобгарлик тўғрисидаги кодексига ўзгартиш киритиш тўғрисида”ги Қонуни қабул қилинди. Ушбу Қонунга кўра Ўзбекистон Республикаси Маъмурий жавобгарлик тўғрисидаги кодексининг 332-1-моддаси матни қайта таҳрир қилинди.
Янги таҳрирдаги матнда ҳуқуқбузар ўзига жарима солиш тўғрисидаги қарор топширилган кундан бошлаб, ўн беш кун ичида жарима миқдорининг эллик фоизини ёки ўттиз кун ичида жарима миқдорининг етмиш фоизини ихтиёрий равишда тўлаган тақдирда, у жариманинг қолган қисмини тўлашдан озод қилиниши кўрсатилган.
Мазкур соддалаштирилган тартиб суд қарорлари билан тайинланадиган жарималарга ҳам нисбатан қўлланиладиган бўлди. Лекин бу тартиб айрим ҳолатларга татбиқ этилмайди. Яъни, транспорт воситаларини маст ҳолда бошқарганлик, кемаларни маст ҳолда бошқарганлик, транспорт воситалари ҳайдовчиларининг ва йўл-ҳаракати бошқа иштирокчиларининг мастлиги ёки маст эмаслигини аниқлаш учун текширувдан ўтишдан бўйин товлаганлик каби ҳолатларда қўлланилмайди.
Шунингдек, маст ҳолдаги ҳайдовчиларнинг ёки транспорт воситаларини бошқариш ҳуқуқи бўлмаган шахсларнинг транспорт воситаларини бошкаришига йўл қўйилгани, жарима солиш тўғрисидаги қарор устидан шикоят қилинганида ёки протест билдирилганда, бир йил давомида айнан шундай ҳуқуқбузарлик учун маъмурий жазо қўлланилганидан сўнг такрор содир этилганида ҳам татбиқ этилмайди.
Жарима юкининг бу тарзда камайтирилиши натижасида пул маблағлари иқтисод қилинади, инсон ҳуқуқ ва манфаатлари таъминланади. Энг асосийси, соддалаштирилган ушбу тартибда маъмурий жарималарни қўллаш орқали аҳолига қўшимча қулайликлар яратилади.
А.Сафаров, Жиноят ишлари бўйича Амударё туман суди раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
